Jeshi la Marekani limeanza kuondoa vikosi vyake vya mwisho katika kambi yake huko Niger, Pentagon ilisema Jumatatu, zaidi ya mwaka mmoja baada ya viongozi wa mapinduzi ya kijeshi katika nchi hiyo ya Kiafrika kuwaambia waondoke.
"Uondoaji wa vikosi vya Marekani na mali kutoka Air Base 201 huko Agadez umekamilika," Pentagon ilisema katika taarifa ya pamoja na wizara ya ulinzi ya Niger.
"Juhudi hizi... zitaendelea kati ya majeshi ya Marekani na Niger katika wiki zijazo ili kuhakikisha kujiondoa kamili kunakamilika kama ilivyopangwa," iliendelea.
Haikutoa maelezo yoyote juu ya vifaa au mali ya Marekani ambayo bado inaweza kuwa imesalia ili nchi hio kujiondoa kutoka kwa nchi hiyo.
Kupambana na uasi
Takriban wanajeshi 200 walikuwa kwenye kituo cha ndege zisizo na rubani cha Agadez, kaskazini mwa nchi.
Wanajeshi wa Marekani walikuwa sehemu ya juhudi za kimataifa kukandamiza wanamgambo wenye silaha ambao hufanya mashambulio ya mara kwa mara katika eneo hilo.
Lakini viongozi wa kijeshi wa Niger, ambao walichukua madaraka katika mapinduzi ya mwaka mmoja uliopita mwezi Machi, waliviambia vikosi vya Marekani na Ufaransa kuondoka nchini humo.
"Katika kipindi cha muongo mmoja uliopita, wanajeshi wa Marekani wametoa mafunzo kwa vikosi vya Niger na kuunga mkono misheni ya kukabiliana na ugaidi inayoongozwa na washirika," iliendelea taarifa hiyo.
"Ushirikiano mzuri na mawasiliano kati ya vikosi vya jeshi vya Marekani na Niger vilihakikisha kuwa makubaliano ya kuondoka yamekamilika kabla ya muda uliopangwa na bila shida," ilisema.
