Umoja wa Mataifa umesikitishwa na mashambulizi dhidi ya hospitali na kuongezeka kwa ghasia dhidi ya wafanyakazi wa afya nchini Sudan huku vita iliyokumbwa na migogoro.
Timu ya shirika la matibabu la Médecins Sans Frontières (MSF) ilishambuliwa na watu wenye silaha siku ya Alhamisi walipokuwa wakihamisha vifaa vya matibabu kutoka ghala la shirika hilo hadi Hospitali ya Uturuki.
Hii ni mojawapo ya hospitali mbili pekee ambazo bado zinafanya kazi kusini mwa Khartoum.
"Tumeshtushwa na ripoti," msemaji wa Umoja wa Mataifa Stephane Dujarric alisema.
"Mashambulizi dhidi ya wafanyakazi wa afya na vituo ni ukiukaji wa sheria ya kimataifa ya kibinadamu. Ni lazima yakome sasa."
Shirika la Afya Duniani limethibitisha zaidi ya mashambulizi 50 dhidi ya vituo vya afya tangu mzozo huo kuzuka nchini Sudan.
Makombora nchini Sudan yaua raia 16
Takriban raia 16 wameuawa kwa roketi iliyorushwa kwa nyumba za watu katika eneo lenye mgogoro la Darfur magharibi mwa Sudan, muungano wa wanasheria wa eneo hilo ulisema Jumamosi.
Eneo hilo kubwa, ambalo tayari liliharibiwa na vita vya kikatili mwanzoni mwa miaka ya 2000, limeshuhudia vurugu mbaya zaidi tangu mapigano yalipozuka katikati ya mwezi wa Aprili kati ya majenerali wapinzani wa Sudan wanaowania madaraka.
"Wakati wa roketi kurushwa kati ya jeshi na vikosi vya Rapid Support Forces (RSF), raia 16 waliuawa siku ya Ijumaa huko Nyala, mji mkuu wa jimbo la Darfur Kusini," Umoja wa mataifa umesema.
UN imeongezea kuwa angalau mtu mmoja aliuawa na mdunguaji katika mji mkuu wa Darfur Magharibi wa El Geneina, karibu na Chad.
Inaripotiwa kuwa wadunguaji wamekuwa wakiwalenga wakazi kutoka juu ya paa tangu mapigano kuanza, na makumi ya maelfu ya wakaazi wamekimbia kuvuka mpaka.
Vita hivyo, vita vilivyozuka katika mji mkuu wa Khartoum Aprili 15 na kuenea hadi Darfur baadaye mwezi huo, vinakadiriwa kusababisha vifo vya watu wasiopungua 3,000 kote Sudan.
