Marekani imetangaza kuwa muungano wa kimataifa wa Bahari ya Shamu Jumatatu, huku siku mbili baadaye, Wahouthi nao wakionya kwamba watavamia tena ikiwa watashambuliwa.
"Tumekuwa na zaidi ya mataifa 20 sasa yaliyosaini kushiriki "katika muungano huo, msemaji wa Pentagon Meja Jenerali Pat Ryder aliwaambia waandishi wa habari Alhamisi.
Vikosi chini ya muungano huo "vitatumika kama doria ya aina ya barabara kuu, vikizunguka Bahari ya Sham na Ghuba ya Aden kukabiliana na kusaidia kama inavyohitajika meli za kibiashara ambazo zinapita njia hiyo muhimu ya maji ya kimataifa," alisema Ryder, akiwataka Wahouthi kusitisha mashambulizi yao.
Wahouthi wanaoshirikiana na Iran wamelenga meli mara kwa mara katika njia muhimu ya usafirishaji kwa kushambulia wakisema wanaunga mkono Wapalestina huko Gaza, kufuatia mashambulizi ya Israeli yaliyowaua zaidi ya raia 20,000 tangu Oktoba 7.
Onyo la kulipiza kisasi
Israel imeanza mashambulizi ya mara kwa mara dhidi ya Wapalestina katika eneo la Gaza lililozingirwa baada ya mashambulizi ya Hamas mnamo Oktoba 7, pamoja na uvamizi wa ardhi unaolenga maeneo ya raia Kusini na Kaskazini, pamoja na hospitali, kambi za wakimbizi, shule, na maeneo ya makazi.
Licha ya madai ya Israel ya kulenga Hamas, mashambulizi ya Israeli yamesababisha kufurushwa kwa angalau asilimia 85 ya Wapalestina.
Idadi hiyo ni kubwa sana, na mpaka sasa zaidi ya raia 20,000 wamepoteza maisha na zaidi ya watu 52,600 wamejeruhiwa katika vita hivyo vya siku 77.
Mashambulizi ya Israel, ambayo bado yanaendelea, yametoa msukumo kwa mashambulizi ya makundi yenye silaha katika eneo hilo, ikiwa ni pamoja na mashambulizi ya Houthi dhidi ya usafirishaji wa Bahari ya Sham.
