Rais wa Urusi Vladimir Putin amemwomba radhi mwenzake wa Azerbaijan kwa kile alichokiita "tukio la kusikitisha" kufuatia ajali ya ndege ya Azerbaijan huko Kazakhstan na kusababisha vifo vya watu 38.
Katika taarifa rasmi Jumamosi, Kremlin ilisema mifumo ya ulinzi wa anga ilikuwa ikifyatua risasi karibu na Grozny siku ya Jumatano kutokana na shambulio la ndege zisizo na rubani za Ukrain, lakini wakaacha kusema moja ya ndege hizo ziliigonga ndege.
Siku ya Ijumaa, afisa wa Marekani na waziri wa Azerbaijan walitoa taarifa tofauti wakilaumu ajali hiyo kwa silaha ya nje.
Ndege hiyo ilikuwa ikiruka siku ya Jumatano kutoka mji mkuu wa Azerbaijan wa Baku kuelekea Grozny, mji mkuu wa eneo la Jamhuri ya Urusi ya Chechnya, ilipogeuka kuelekea Kazakhstan na kuanguka ilipokuwa ikijaribu kutua. Kulikuwa na watu 29 walionusurika.
Shirika la ndege la Azerbaijan lilisema Ijumaa kuwa matokeo ya awali yalionyesha kuwa moja ya ndege zake iliyoanguka Kazakhstan mnamo Desemba 25 ilipata "uingiliaji wa nje wa kimitambo na kiufundi".
Taarifa kutoka kwa kampuni hiyo ilikuja wakati abiria kwenye ndege hiyo iliyoharibika akisema kulikuwa na angalau mshindo mmoja mkubwa ilipokuwa ikikaribia eneo lake la asili la Grozny kusini mwa Urusi.
