2:55 GMT - Makamu wa Rais wa chama cha Democratic Kamala Harris na rais wa zamani wa chama cha Republican Donald Trump wanapigana vikumbo kuwania Ikulu ya White House, huku upigaji wa kura ukimalizika kote Marekani Jumanne.
Matokeo ya mapema yanaendelea kuingia, huku The Associated Press ikikadiria uongozi madhubuti kwa Trump katika majimbo 17, naye Harris akiwa mbele katika majimbo 9. Kufikia sasa, Harris ana kura 99 na Trump 178.
Idadi ya kura ya ushindi wa urais ni 270. Waangalizi wanatarajia kinyang'anyiro chenye ushindani mkali cha kuwania Ikulu ya White House kuamuliwa na majimbo machache muhimu yanayopambaniwa.
00:30 GMT - Trump aongoza majimbo 9, Harris 5 - makadirio ya mapema
Makadirio ya mapema ya shirika la habari la Associated Press yanaonyesha mgombea mteule wa Republican Donald J Trump akiongoza katika majimbo tisa, huku mgombea wa chama cha Democratic Kamala Harris akiwa mbele katika majimbo matano.
Associated Press imetoa matokeo rasmi kabla ya kura zote kuhesabiwa, kulingana na upigaji kura wa sasa na data ya ziada.
Mamilioni ya Wamarekani wanapiga kura huku upigaji kura ukikaribia kumalizika kote Marekani, kinyang'anyiro kikali chapamba moto kati ya Trump na Harris.
Wapiga kura pia wataamua ni chama kipi kitadhibiti Bunge na Seneti.
23:45 GMT - Trump aongoza Indiana, Kentucky, W. Virginia; Harris aongoza Vermont
Makadirio ya mapema ya Associated Press yanaonyesha mgombea mteule wa Republican Donald J Trump akiongoza katika ngome za jadi za GOP Indiana, Kentucky na West Virginia, huku mgombea wa chama cha Democratic Kamala Harris akiongoza Vermont.
Huko Indiana, huku asilimia 17 ya kura zimehesabiwa, Trump anaongoza kwa asilimia 61.7, huku Harris akiambulia asilimia 36.9.
Vile vile, huko Kentucky, ngome nyingine ya Republican, Trump yuko mbele kwa asilimia 61.8, huku Harris akifuatia kwa asilimia 36.9 baada ya asilimia 20 ya kura kuhesabiwa. Wakati huo huo, Harris anafanya vyema katika Vermont, ambako anaongoza kwa asilimia 67.4 ya kura ikilinganishwa na asilimia 29.9 ya Trump, na asilimia 7 ya kura zimehesabiwa.
Associated Press imetoa matokeo rasmi kabla ya kura zote kuhesabiwa, kulingana na upigaji kura wa sasa na data ya ziada.
