Wanacama wa Democrats, walioshtushwa na utendaji mbaya wa mjadala wa Joe Biden, wamemtaka rais huyo wa Marekani kuwa wazi juu ya utimamu wake wa kiakili huku akikabiliwa na mwito wa kwanza kutoka kwa upande wake wa kujiondoa kwenye uchaguzi.
Mbunge Lloyd Doggett amekuwa mbunge wa kwanza wa chama cha Democratic kumtaka Biden hadharani kutoa nafasi kwa mgombea mwingine, akisema anatumai rais "atafanya uamuzi mchungu na mgumu wa kujiondoa."
Nancy Pelosi, spika wa zamani wa Bunge na mkuu wa Chama cha Democrats, alisema katika taarifa yake mwenyewe ilikuwa "halali" kuuliza ikiwa mkasa wa mjadala wa Biden ni dalili ya shida kubwa zaidi kuliko ya mara moja.
Alisifu maono ya Biden na "mawazo ya kimkakati" katika mahojiano na mtandao wa cable wa MSNBC - lakini alikiri alikuwa na "usiku mbaya" na akasema ilikuwa sawa kutilia shaka hali ya akili ya "wagombea wote wawili."
Seneta wa Democrats Sheldon Whitehouse pia aliuliza kuhakikishiwa, akisema wapiga kura walihitaji kujua hakutakuwa na marudio ya onyesho ndogo la Biden.
Whitehouse, anayewakilisha Rhode Island, aliiambia WPRI-TV kuwa "ameshtushwa sana" na utendaji wa rais wakati wa mahojiano ya dakika 90 ya CNN, iliyotazamwa na zaidi ya Wamarekani milioni 50.
Biden hajafanya mahojiano ya moja kwa moja au kufanya mkutano na waandishi wa habari tangu mjadala huo, ikimaanisha kuwa hajalazimika kutoa maoni ambayo hayajaandikwa chini ya shinikizo tena.
ABC News ilitangaza kuwa atahojiwa na mtandao huo siku ya Ijumaa, na klipu za kwanza kutolewa siku hiyo, kabla ya mahojiano kamili kupeperushwa Jumapili.
Biden 'alikuwa na mafua'
Ikulu ya White House ilisema inatambua hisia na wasiwasi wa Wamarekani kuhusu utendaji mbaya wa Rais Joe Biden wakati wa mjadala wa wiki iliyopita na Donald Trump.
Rais anaripotiwa kukutana na magavana na wawakilishi wa Kidemokrasia siku ya Jumatano.
"Tunaelewa wasiwasi. Tunaelewa. Rais hakuwa na usiku mzuri" katika mjadala huo, msemaji Karine Jean-Pierre aliwaambia waandishi wa habari, akibainisha kuwa Biden alikuwa na mafua iliyoharibu sauti yake.
Alisema rais anajua jinsi ya kufanya kazi, na rekodi yake imekuwa isiyo na kifani katika kutoa kwa watu wa Amerika.
"Tena, tunaelewa kuwa hatuondoi kile nyinyi nyote mlichoona, kile ambacho watu wa Amerika walikiona. Tunaelewa kuwa ulikuwa usiku mbaya. Sio kawaida kwa viongozi kuwa na usiku mbaya kwenye mjadala wao wa kwanza, na sisi ni tutaendelea kufanya kazi ambayo tumekuwa tukifanya kwa niaba ya watu wa Marekani, "aliongeza.
Tofauti za kura kati ya rais na mtangulizi wake wa chama cha Republican zimekuwa kidogo na kukaa hivyo kwa miezi kadhaa, huku Trump akionyesha faida kidogo katika majimbo muhimu zaidi.
