Niger ni Moja ya nchi zenye joto jingi duniani, Niger ni nchi ili kando ya Jangwa la Sahara, pia nchi hii imekuwa ikigubikwa na machafuko na kuzama kwenye joto la kisiasa mara kwa mara tangu kupata uhuru kutoka kwa Ufaransa mwaka 1960.
Hapa kuna mambo 5 muhimu kuhusu Niger:
1. Historia ya mapinduzi:
Mapinduzi ya Julai 26 yalikuwa ya tano nchini Niger tangu uhuru wake mwaka 1960. Serikali ya mpito ya kwanza kabisa ilikuwa mlengo wa madaraka wa kidemokrasia nchini humo ambayo ilikuwa ya mwaka 2021, wakati Mohamed Bazoum, ambaye sasa ameondolewa, aliechukua urais baada ya mtangulizi wake, Mahamadou Issoufou, kukamilisha kibali chake kikatiba. masharti mawili ya serikali hiyo ya Mpito ambayo ilijizolea mafanikio na baadae kusifiwa kimataifa kama serikali yenye msukumo wa demokrasia. Lakini mapinduzi ya hivi punde yamekatisha matumaini hayo.
2. Rasilimali za madini –
Niger imejaaliwa pia madini ya Uranium Kulingana na Chama cha Nyuklia Duniani, Niger ina migodi miwili mikubwa ya uranium inayotoa takriban 5% ya pato la uchimbaji wa madini duniani kutoka kwa madini ya uranium ya daraja la juu zaidi barani Afrika. Uranium ni madini muhimu katika uzalishaji wa nishati ya nyuklia, huku Ufaransa ikitegemea sana koloni lake la zamani kwa usambazaji wake. Ufaransa ilianza kuchimba madini ya uranium kaskazini mwa Niger katika miaka ya 1960. Nchi hiyo ya Afŕika Maghaŕibi pia imekuwa mzalishaji mdogo wa dhahabu na mafuta katika miaka ya hivi majuzi, lakini kilimo ndiyo kazi kubwa na chanzo kikuu cha mapato kwa watu wake na kuingiza mapato makubwa kwa seŕikali.
3. Ukubwa wa nchi
Niger Ina eneo la ardhi la kilomita za mraba 1,267,000 na kuifanya kuwa nchi kubwa zaidi isiyo na bahari katika Afrika Magharibi. Zaidi ya 80% ya ardhi ya Niger iko kwenye Jangwa la Sahara. Inapakana na Nigeria na Benin upande wa kusini, Burkina Faso na Mali upande wa magharibi, Algeria na Libya upande wa kaskazini na Chad upande wa mashariki. Mji mkuu wa Niamey una joto la kiwango kikubwa sana ambalo ni la mwaka mzima, na wastani wa joto la juu la mwezi hufikia 38 °C.
4. Idadi ya watu:
Niger ina idadi ya watu 26,207,977 kulingana na data ya Benki ya Dunia ya 2022 na nusu ya watu (50.6%) wanaishi katika umaskini. Niger ni nchi mojawapo yenye viwango vya juu zaidi vya umaskini duniani, Niger imepata maendeleo makubwa katika muongo mmoja uliopita katika kupambana na umaskini na njaa. Idadi kubwa ya wakazi wa Niger ni Waislamu, lakini pia kuna idadi kubwa ya Wakristo. Nchi ina kiwango cha juu zaidi cha kuzaliwa na wastani wa watoto saba kwa kila mwanamke. Idadi kubwa ya watu ni chini ya umri wa miaka 30.
5. Lugha:
Kifaransa ndio lugha rasmi. Hata hivyo, Niger ina lugha nane ambazo zimeainishwa kuwa lugha za kitaifa zikiwemo Kihausa, Kiarabu, Buduma, Fulfulde, Tamasheq, Tassawaq, Teb Gourmanche, Kanuri, Zarma na Songhai.
