Rais wa Urusi Vladimir Putin amefanya safari ya kushtukiza katika mikoa ya Luhansk na Kherson ya Ukraine, Kremlin ilisema Jumanne.
Putin alitembelea makao makuu ya kundi la jeshi la "Dnepr" ili kujadili hali katika mikoa ya Kherson na Zaporizhzhia, kulingana na taarifa ya Kremlin.
Pia alikutana na maafisa wakuu katika makao makuu ya "Walinzi wa Kitaifa wa Vostok" huko Luhansk, taarifa hiyo iliongeza.
Septemba iliyopita, maeneo ya Ukraine yaliyo tenganishwa ya Donetsk na Luhansk na sehemu zinazodhibitiwa na Urusi za Zaporizhzhia na Kherson zilifanya kura za maoni kuhusu kujiunga na Urusi.
Tangu wakati huo Moscow imezitangaza kuwa sehemu ya Urusi, hatua iliyokataliwa na Ukraine na jumuiya ya kimataifa.
Safari ya hivi punde zaidi ya Putin ilikuja mwezi mmoja baada ya kutembelea jiji la Mariupol huko Donetsk, ikiwa ni mara yake ya kwanza katika maeneo yanayotawaliwa na Urusi nchini Ukraine tangu vita kuanza Februari mwaka jana.
