17 Jul 2023
Pakistan da Iran sun amince su yi musayar bayanan sirri don yakar ta'addanci

Pakistan da Iran sun amince su yi musayar bayanan sirri don yakar ta'addanci

Bayan yawaitar hare-hare a lardin Baluchistan da ke kudu maso yammacin Pakistan, babban hafsan sojin kasar ya yi tattaki zuwa Tehran don tattauna hadin-gwiwar hanyoyin samar da tsaro.
Ziyarar Janar Asim Munir na zuwa ne daidai lokacin da ake samun takun saka tsakanin Pakistan da shugabannin Taliban na Afghanistan. / Hoto: AFP

Babban hafsan sojin Pakistan da makwabcinsa na Iran sun amince su kara inganta hanyoyin hadin gwiwa da musayar bayanan sirri, tare da daukar kwararan matakai don hana kai hare-hare daga mayakan 'yan aware a kan iyakokinsu, a cewar jami'an Pakistan.

An cimma wannan yarjejeniyar ne yayin wata ziyara da babban hafsan sojin na Pakistan, Janar Asim Munir ya kai birnin Tehran a karshen mako, kamar yadda jami'ai suka bayyana a ranar Litinin.

Janar Munir ya je Tehran a wata ziyarar kwanaki biyu, bayan yawaitar hare-hare a lardin Baluchistan da ke kudu maso yammacin kasar, wanda ke da iyaka da Afghanistan da kuma Iran.

Dangantakar Pakistan da Iran ta gamu da koma baya a ‘yan shekarun baya-bayan nan, saboda hare-haren wuce gona da iri da mayakan ke kai wa, inda suke amfani da yankin Pakistan.

Kananun kungiyoyin ‘yan aware sun dauki tsawon lokaci suna gwabza fada, kan neman yankin Baluchistan mai arzikin mai da iskar gas, ya samu ‘yancin kai daga gwamnatin kasar Pakistan.

Hakazalika, mayakan da ke adawa da Iran sun yi ta kai hari kan iyakar kasar a shekarun baya-bayan nan, lamarin da ya kara tayar da jijiyoyin wuya a tsakanin kasashen.

Musayar bayanan sirri

A wata sanarwa da rundunar sojin Pakistan ta fitar, Janar Munir ya gana da babban hafsan sojin Iran, Janar Mohammad Hossein Bagheri, inda ya yi kira ga shugaban kasar Ebrahim Raisi, tare da bayyana cewa bangarorin biyu sun amince cewa matsalar ta'addanci barazana ce ga ko wannen su.

"Sun sha alwashin kawar da mummunar matsala ta barazanar ta'addanci a yankunan da ke kan iyakokinsu, ta hanyar musayar bayanan sirri game da hanyoyin sadarwar 'yan ta'adda, tare da fadada hanyoyin inganta hadin gwiwa a fannin tsaro." In ji sanarwar.

Ziyarar ta zo ne a daidai lokacin da ake samun takun saka tsakanin Pakistan da shugabannin Taliban na Afghanistan, wadanda Islamabad ta zarga da ba da mafaka ga wata babbar kungiyar ta'addanci da ake kira Tehreek-e-Taliban Pakistan, ko TTP.

Kungiyar ta TTP ta samu karfin gwiwa tun bayan da kungiyar Taliban ta kwace iko a Afghanistan, a shekarar 2021.

TRT World

Labarai masu alaka

Muhimman bayanai game da yarjejeniyar bashin da Amurka za ta iya ci

Muhimman bayanai game da yarjejeniyar bashin da Amurka za ta iya ci

Shugaba Joe Biden da ‘yan jam’iyyar Republican a majalisar dokoki sun cimma matsaya kan kara yawan bashin da gwamnati za ta iya ci don kawar da fadawa mummunan yanayi.
Mene ne musabbabin arangama tsakanin Afghanistan da Iran a kan iyaka?

Mene ne musabbabin arangama tsakanin Afghanistan da Iran a kan iyaka?

Dukkan bangarorin biyu na zargin juna da karya yarjejeniyar 1973 da ta sanya ka’idoji kan kwararowar ruwa a Tafkin Helmand, wanda ya bi ta Afghanistan ya gangara Iran.
Sudan ta ki amincewa a tura mata dakarun wanzar da zaman lafiya

Sudan ta ki amincewa a tura mata dakarun wanzar da zaman lafiya

Ma'aikatar Wajen Sudan ta yi tir da jawaban da shugaban Kenya William Ruto da firaiministan Habasha Abiy Ahmed suka yi a taron kungiyar IGAD inda suka bukaci a tura sojoji da cike gibin da aka samu a fannin tsaro da shugabanci na Sudan.
Sojojin Isra'ila sun kashe matasa  Falasdinawa a Gabar Yammacin Kogin Jordan

Sojojin Isra'ila sun kashe matasa  Falasdinawa a Gabar Yammacin Kogin Jordan

Kafar yada labaran Falasdinu ta bayyana cewa "dakarun da suka mamaye Gabar Yaamacin Kogin Jordan sun aikata laifi na harbin wata mota da ke dauke wasu matasa a saman dutsen Gerizim na Nablus".

Masu tashe a wannan bangaren

Isra'ila ta kashe Falasɗinawa 42 a hare-hare biyu da ta kai Gaza

Isra'ila ta kashe Falasɗinawa 42 a hare-hare biyu da ta kai Gaza

Isra'ila ta kwashe kwana 260 tana kai hare-hare a Gaza inda ta kashe Falasɗinawa aƙalla 37,431 — galibinsu jarirai, mata da yara —  ta jikkata sama da mutum 85,653, kuma mutum sama da 10,000 na binne a ɓaraguzan gine-gine, kana ta sace mutum 9,500.
Harin da Isra'ila ta kai a sansanin Rafah ya kashe mutane 18 tare da jikkata da dama: Likitoci

Harin da Isra'ila ta kai a sansanin Rafah ya kashe mutane 18 tare da jikkata da dama: Likitoci

Yakin da Isra'ila ke yi a Gaza ya shiga kwana na 259. An kashe akalla Falasdinawa 37,431 - akasari mata, yara da jarirai - an raunata 85,653. Ana fargabar sama da mutum 10,000 na binne a karkashin baraguzai, kana Tel Aviv ta sace fiye da mutum 9,500.
Tsananin zafi ya halaka sama da mutum 900 a Hajjin bana a Saudiyya

Tsananin zafi ya halaka sama da mutum 900 a Hajjin bana a Saudiyya

Yawan waɗanda suka rasa rayukansu sakamakon tsananin zafi rana a Hajjin bana ya kai 922, inda 600 daga cikinsu suka kasance 'yan ƙasar Masar ne.
Sojojin Isra’ila sun ce suna ci gaba da kutsawa Rafah da tsakiyar Gaza

Sojojin Isra’ila sun ce suna ci gaba da kutsawa Rafah da tsakiyar Gaza

Yaƙin da Isra'ila take yi a Gaza ya shiga kwana na 256 wanda ya yi sanadin mutuwar Falasɗinawa aƙalla 37,347 — kashi 71 daga cikinsu mata da yara da jarirai ne –– sannan ya jikkata mutum 85,372, kana ɓaraguzai sun danne fiye da mutum 9,500.

Me kuma za ku so ku sani?

Shahararru
Hilda Baci: 'Yar Nijeriya na shirin kafa tarihin cin gasar Guiness World Records a fannin girki

Hilda Baci: 'Yar Nijeriya na shirin kafa tarihin cin gasar Guiness World Records a fannin girki

Ya zuwa ranar Litinin da karfe 08:32 na safe a agogon kasar, Hilda Baci ta shafe awanni 88 da minti 32 tana girki babu tsayawa.
'Tafiya zagaye na biyu na zaben Turkiyya alama ce ta karfin dimokuradiyyar kasar'

'Tafiya zagaye na biyu na zaben Turkiyya alama ce ta karfin dimokuradiyyar kasar'

Masu sharhi sun ce sakamakon zabukan sun nuna cewa kuri’un jin ra’ayin jama’a da kasashen waje suka gudanar da labaran kyamar Erdogan da kafafen watsa labaran waje suka yi ba su bayyana hakikanin gaskiyar lamari ba.
Kokarin da Erdogan ya yi a zabe ya nuna kuskuren jaridun kasashen yamma

Kokarin da Erdogan ya yi a zabe ya nuna kuskuren jaridun kasashen yamma

An shafe kwanaki jaridun Amurka da na Turai suna watsa labarai kan tabbacin ‘yan adawa ne za su ci zabe, wanda sakamakon da aka fitar na zaben ranar Lahadi ya nuna kuskurensu.
'Ba za mu iya jure wa halin da ake ciki a Sudan ba'

'Ba za mu iya jure wa halin da ake ciki a Sudan ba'

Wani mazaunin Khartoum ya ce sun tsere zuwa gidajensu makwabtansu domin tsira daga yaki, amma luguden wutar da ake yi ya bi su har can.
Abubuwan da ake koya wa sabbin gwamnonin Nijeriya a taron horar da su

Abubuwan da ake koya wa sabbin gwamnonin Nijeriya a taron horar da su

Mece ce manufar taron? Su waye mahalartansa? Me ake horar da gwamnonin? Wadannan su ne tambayoyin da wannan makala za ta duba amsoshinsu.