Serikali ya China siku ya Alhamisi imekanusha ripoti za vyombo vya habari zilizodai kuwa Iran ilitarajiwa kupokea sehemu ya kwanza ya vifaa vya kurusha makombora 400 vinavyobebwa begani, vilivyotengenezwa China, ndani ya wiki chache zijazo.
China imesema ripoti hiyo "si ya kweli na haina msingi wowote wa ukweli."
Msemaji wa Wizara ya Mambo ya Nje ya China, Mao Ning, aliwaambia waandishi wa habari katika mkutano wa jijini Beijing kwamba China tayari imeweka wazi msimamo wake kuhusu masuala hayo mara kadhaa.
"Ripoti hizo si za kweli na hazina msingi wowote wa ukweli," alisema, akisisitiza kuwa China "daima inafanya kazi kwa ajili ya amani na kumalizika kwa mzozo."
Pakistan nayo siku ya Jumatano "imekana" ripoti hiyo, iliyodai kuwa Pakistan ingeruhusu shehena ya makombora hayo kupita katika eneo lake kuelekea Iran.
"Makisio yote ya aina hiyo hayana msingi na si ya kweli," kitengo cha mawasiliano ya jeshi la Pakistan, Inter-Services Public Relations (ISPR), kiliiambia Shirika la Habari la Anadolu.
"Tunayakana kabisa madai hayo," kiliongeza.
Awali, Shirika la Habari la Reuters imeripoti kuwa Iran ilitarajiwa kupokea shehena yake ya kwanza ya mifumo hiyo ya ulinzi wa anga ndani ya wiki chache zijazo, huku ikijaribu kuimarisha upya uwezo wake wa kujilinda katikati ya vita vyake na Marekani.
Kwa mujibu wa ripoti hiyo, shehena za awali zilitarajiwa kusafirishwa kwa ndege kutoka Urumqi, magharibi mwa China, kupita Pakistan kabla ya kufikishwa Iran. Ripoti hiyo ilinukuu vyanzo ambavyo havikutajwa majina.
