Gidan talabijin ɗin ya ƙara da cewa manufar sintirin shi ne raka jiragen ruwa masu wucewa da kuma hana duk wani jirgin ruwan da ya ƙeta gargaɗin rundunar.
Kafafan watsa labaran Iran sun bayyana a ranar Talata cewa a yanzu an buɗe tsarin neman izinin wucewar jiragen ruwa ta Mashigar Hormuz, abin da zai ba da dama ga masu jiragen ruwa da jagororin jiragen ruwa a fadin duniya su nemi izinin wucewa a kowane lokaci .
A ranar kuma, sojin ruwa na rundunar IRGC sun ce jiragen ruwa 24 sun wuce ta mashigar ruwan Hormuz cikin sa’o’i 24 da haɗin gwiwardakarunta.
Jiragen ruwan sun wuce ta hanyar ruwan ne a ƙarƙashin kariyar dakarun sojin ruwan rundunar IRGC bayan sun sami izini, in ji ɓangaren hulɗa da jama’a na sojin ruwa na rundunar IRGC.
