Rundunar Kare Juyin Juya-Hali ta Iran (IRGC) ta ce dakarun sojin ruwanta sun kai hari kan wani jirgin ruwa mai suna MSC Sariska da makami mai linzami a wani abin da ta bayyana a matsayin wani "aikin ramuwar gayya" biyo bayan wani abin da ta kira harin Amurka a kan wani jirgin ruwan Iran a tekun Oman.

Wata sanarwa da kafar watsa labaran ƙasar Iran IRIB ta samu ranar Litinin ta ce harin ya zo ne bayan abin da IRGC ta kira wani "hari na tsokana" da sojin Amurka ta kai kan wani jirgin ruwan Iran mai suna Lian Star a tekun Oman.

Sanarwar ta yi iƙirarin cewa jirgin mai suna MSC Sariska mallakin abin da ta kira "abokan gaba Amurka da masu kaifin kishin kafa ƙasar Yahudawa."

Jami'an Iraƙi sun ce an kai wa jirgin hari da abubuwna fashewa biyu, rahotanni sun ce ɗaya daga cikinsu jirgi mara matuƙi ne ya kai masa hari.