Ubalozi wa Marekani nchini Iraq, umetadhaharisha raia wake kuhusu uwezekano wa kushambuliwa nchini Iraq.
“Hali inazidi kuwa mbaya na inaweza kuwa mbaya zaidi,” ulitadhaharisha ubalozi huo.
Katika hatua nyingine, ubalozi huo umewataka raia wa Marekani waliopo Iraq, kufuatilia vyombo vya habari wakati wote, kujiandaa kwa lolote na kufuata maelekezo kutoka mamlaka za Iraq.
Huenda kukawa na kusitishwa kwa huduma za usafiri wa anga, kulingana na ubalozi huo.
Tahadhari hiyo inakuja baada ya mifumo ya ulinzi wa anga, kuzitungua droni tano siku ya Ijumaa katika eneo la Erbil, na kusababisha milipuko kadhaa kaskazini mwa jiji hilo.
Muda mfupi baadae, wanajeshi wa Jeshi la Walinzi wa Mapinduzi ya Kiislamu ya Iran (IGRC) walidai kuhusika na kushambulia vifaa vya kijeshi vya Marekani katika eneo la Erbil.
Hata hivyo, madai hayo hayakuweza kuthibitishwa mara moja.
