18 Jun 2024
Erdogan ya yi kira ga ƙasashen duniya su haɗa gwiwa don dakatar da Isra'ila daga 'shan jini'

Erdogan ya yi kira ga ƙasashen duniya su haɗa gwiwa don dakatar da Isra'ila daga 'shan jini'

'Dole ƙasashen duniya su ɗauki matakai domin hana Isra'ila shan jini da kuma kisan kiyashi da muke gani kullum,' in ji Shugaba Recep Tayyip Erdogan.
Erdogan ya jaddada matsayin Turkiyya na haɗa kawunan ƙasashen Musulmai tare da ƙara adadin ƙasashen da za su amince da Falasɗinu a matsayin ƙasa mai cin gashin kanta./Hoto:AA

Shugaban Turkiyya Recep Tayyip Erdogan ya yi kira ga ƙasashen duniya su ɗauki matakin bai-ɗaya wajen kawo ƙarshen hare-haren Isra'ila na "shan jinin" Falasɗinawa da gallaza musu.

Da yake gabatar da jawabi ga mambobin jam'iyyar Justice and Development (AK) ranar Litinin ta manhajar bidiyo domin bikin Babbar Sallah, Erdogan ya ce Falasɗinawa, waɗanda suka kwashe fiye da shekara 76 suna fuskantar bala'i da mamaya daga Isra'ila, sun yi Babbar Sallah cikin baƙin-ciki kuma suna buƙatar zaman lafiya.

“A matsayinmu na al'ummar Musulmai, muna jin raɗaɗin kisan kiyashin da Isra'ila ta yi wa 'yan'uwanmu 38,000. Muna fuskantar jarrabawa a matsayinmu na Musulmai kuma 'yan'adam. Ya zama wajibi mu ɗauki mataki kan kisan da ake yi wa 'yan'uwanmu a Gaza.

"Dole ƙasashen duniya su ɗauki matakin dakatar da Isra'ila daga shan jini da kuma hana ta ci gaba da kisan ƙare-dangi da take yi kullum nan-take," in ji shi.

Kazalika shugaban Turkiyya ya soki gwamnatin Firaministan Isra'ila Benjamin Netanyahu game da jefa ɗaukacin yankin cikin bala'i, ciki har da 'yan ƙasarsu, domin cim ma muradunsu na siyasa. “Mun bayyana matsayarmu ƙarara a makon jiya lokacin da muka ziyarci Sifaniya da kuma a wurin taron shugabannin ƙungiyar ƙasashen G7 da aka yi a Italiya.”

“Ba za mu yi gum da bakinmu ba"

Ya ƙara da cewa, "A matsayinmu na ƙasar Turkiyya, mun fito da dukkan ƙarfinmu domin wanzar da zaman lafiya a yankin sannan mu tabbatar an hukunta masu hannu a kisan kiyashi."

Shugaba Erdogan ya ce mahukunta a Ankara sun bi sahun sauran ƙasashen duniya wajen shigar da Isra'ila ƙara a Kotun Hukunta Manyan Laifuka ta Duniya game da kisan kiyashi, tare da dakatar da kasuwanci da Isra'ila, domin matsa lamba kanta har sai ta daina kashe-kashen da take yi a Gaza.

Erdogan ya jaddada matsayin Turkiyya na haɗa kawunan ƙasashen Musulmai tare da ƙara adadin ƙasashen da za su amince da Falasɗinu a matsayin ƙasa mai cin gashin kanta.

“Ba za mu yi gum da bakinmu game da bala'in da ke aukuwa a sauran ƙasashen Musulmai da kuma Gaza ba.Muna ci gaba da ƙoƙarin kawo ƙarshen rikicin da ke faruwa a Sudan wanda aka kwashe fiye da shekara guda ana yi. Muna yin gaggawar kai agaji a duk inda ake fuskantar rikici daga Libya zuwa Somalia, daga Afghanistan zuwa Yemen.”

TRT World

Labarai masu alaka

Amurka na kokarin daidaita alakar Saudiyya da Isra'ila

Amurka na kokarin daidaita alakar Saudiyya da Isra'ila

"Muna son ganin an daidaita tsakanin Saudiyya da Isra'ila, yin haka na da matukar muhimmanci, kuma muna aiki tare da Isra'ila don cimma hakan," in ji jakadan Amurka a Isra'ila Thomas Nides.
Turkiyya da wasu kasashen Larabawa sun yi tur da kutsen Ministan Isra'ila Masallacin Kudus

Turkiyya da wasu kasashen Larabawa sun yi tur da kutsen Ministan Isra'ila Masallacin Kudus

Yayin da ya kutsa kai cikin wurin, Ben-Gvir ya yi ikirarin cewa Isra'ila ce ta mallaki wajen a wani sakon bidiyo da ya nada daga bakin harabar masallacin.
Saudiyya ta ki yin sulhu da Isra'ila sai an bai wa Falasdinawa 'yanci

Saudiyya ta ki yin sulhu da Isra'ila sai an bai wa Falasdinawa 'yanci

"Idan ba a sama wa Falasdinawa zaman lafiya ba, idan ba a magance matsalolin da suke fama da su ba, duk wata kyautata alaka tana da iyaka," in ji Yarima Farhan.
Matsayin Turkiyya na taimaka wa Ukraine 'bai sauya ba': Fidan

Matsayin Turkiyya na taimaka wa Ukraine 'bai sauya ba': Fidan

Ministan Harkokin Wajen Turkiyya Hakan Fidan ya yi alkawarin ba da taimako wajen sake gina tattalin arziki da kuma tallafa wa ayyukan jinkai na Kiev a wani taro da aka yi a London don farfado da kasar Ukraine.

Masu tashe a wannan bangaren

Amurka na amfani da Taiwan domin haddasa rikici a nahiyar Asiya — Rasha

Amurka na amfani da Taiwan domin haddasa rikici a nahiyar Asiya — Rasha

Mataimakin ministan harkokin wajen Rasha ya ce abin da ya sa Amurka ke katsalandan shi ne ta harzuƙa China domin tayar da rikici a nahiyar Asiya don biyan buƙatar kanta.
Isra'ila ta kai hari wani sansanin soji a Lebanon, ta kashe soja da jikkata mutum 18

Isra'ila ta kai hari wani sansanin soji a Lebanon, ta kashe soja da jikkata mutum 18

Yaƙin da Isra'ila take yi a Gaza — wanda ya shiga kwana na 415 a yau — ya kashe Falasɗinawa fiye da 44,176 tare da jikkata fiye da mutum 104,473. A Lebanon, Isra'ila ta kashe fiye da mutum 3,670 tun daga watan Oktoban 2023.
Wani mutum da 'ya mutu' a Indiya ya tashi ana dab da ƙona gawarsa

Wani mutum da 'ya mutu' a Indiya ya tashi ana dab da ƙona gawarsa

Ana dab da cinna wa gawar Mista Kumar wuta, sai aka ga jikinsa ya soma motsi wanda hakan ya sa aka yi gaggawar kai shi asibiti a karo na biyu
Isra'ila ta kashe mutane da dama, ta jikkata 33 a hare-haren da ta kai Beirut na Lebanon

Isra'ila ta kashe mutane da dama, ta jikkata 33 a hare-haren da ta kai Beirut na Lebanon

Yaƙin da Isra'ila take yi a Gaza — wanda ya shiga kwana na 414 a yau — ya kashe Falasɗinawa fiye da 44,100 tare da jikkata fiye da mutum 104,300. A Lebanon, Isra'ila ta kashe fiye da mutum 3,640 tun daga watan Oktoban 2023.

Me kuma za ku so ku sani?

Shahararru
Hilda Baci: 'Yar Nijeriya na shirin kafa tarihin cin gasar Guiness World Records a fannin girki

Hilda Baci: 'Yar Nijeriya na shirin kafa tarihin cin gasar Guiness World Records a fannin girki

Ya zuwa ranar Litinin da karfe 08:32 na safe a agogon kasar, Hilda Baci ta shafe awanni 88 da minti 32 tana girki babu tsayawa.
'Tafiya zagaye na biyu na zaben Turkiyya alama ce ta karfin dimokuradiyyar kasar'

'Tafiya zagaye na biyu na zaben Turkiyya alama ce ta karfin dimokuradiyyar kasar'

Masu sharhi sun ce sakamakon zabukan sun nuna cewa kuri’un jin ra’ayin jama’a da kasashen waje suka gudanar da labaran kyamar Erdogan da kafafen watsa labaran waje suka yi ba su bayyana hakikanin gaskiyar lamari ba.
Kokarin da Erdogan ya yi a zabe ya nuna kuskuren jaridun kasashen yamma

Kokarin da Erdogan ya yi a zabe ya nuna kuskuren jaridun kasashen yamma

An shafe kwanaki jaridun Amurka da na Turai suna watsa labarai kan tabbacin ‘yan adawa ne za su ci zabe, wanda sakamakon da aka fitar na zaben ranar Lahadi ya nuna kuskurensu.
'Ba za mu iya jure wa halin da ake ciki a Sudan ba'

'Ba za mu iya jure wa halin da ake ciki a Sudan ba'

Wani mazaunin Khartoum ya ce sun tsere zuwa gidajensu makwabtansu domin tsira daga yaki, amma luguden wutar da ake yi ya bi su har can.
Abubuwan da ake koya wa sabbin gwamnonin Nijeriya a taron horar da su

Abubuwan da ake koya wa sabbin gwamnonin Nijeriya a taron horar da su

Mece ce manufar taron? Su waye mahalartansa? Me ake horar da gwamnonin? Wadannan su ne tambayoyin da wannan makala za ta duba amsoshinsu.