Timu ya Ligi Kuu ya England Liverpool ilipata pigo lake la kwanza katika maandalizi ya msimu ujao walipofungwa na Leeds United 4-2 katika mechi iliyochezwa uwanja wa Soldier Field mjini Chicago, Marekani.

Vijana hao wa kocha Andoni Iraola walikuwa wameongoza kwa magoli mawili sifuri, kabla ya Leeds kusawazisha na kumaliza mechi wakiwa washindi.

Wanamaliza ziara yao ya maandalizi Marekani kwa ushindi wa mechi mbili na kufungwa katika mechi moja. Katika maandalizi walicheza dhidi ya Sunderland huko Nashville, Wrexham, jijini New York na Leeds mjini Chicago.

Meneja Andoni Iraola anaamini baada kuna kazi kubwa ya kufanya kutokana na kutokuwa na uhakika wa kuwepo kwa baadhi ya wachezaji.

‘‘Nachukia huu mwezi wa Agosti kwa sababu unaanza msimu na bado hujui kama wachezaji wengine wataondoka na nani atajiunga na timu, kuna hali ya wasiwasi,’’ Iraola alisema, mwanzoni mwa wiki.

Iraola anatarajiwa kukutana na wachezaji Virgil van Dijk, Cody Gakpo, Alisson Becker na mchezaji mpya Victor Munoz katika siku zijazo katika uwanja wa Mazoezi wa Liverpool wa AXA.