Jeshi la Yemen lilisema siku ya Jumatatu kuwa vikosi vyake “vimewakata makali” Wahouthi 1,747 katika operesheni 1,122 za kijeshi kwenye maeneo kadhaa kote nchini.

Msemaji wa jeshi Majed Abdullah al-Nuzaili alisema katika taarifa kupitia mtandao wa kijamii wa Marekani wa X kuwa operesheni hiyo ililenga maeneo ya kurusha mizinga na roketi, ya wapiganaji kujilinda, pamoja na sehemu za usimamizi za Wahouthi.

Anasema operesheni hizo zilifanyika katika mikoa ya Saada, Al-Jawf na Taiz, pamoja na pwani ya magharibi ya Yemen.

Kulingana na al-Nuzaili, operesheni hiyo ilihusisha ndege za kivita, droni, mizinga, makombora, roketi, na wanajeshi wa kuvizia.

Alisema operesheni pia iliharibu magari ya kijeshi 364.

Al-Nuzaili aliongeza kuwa vikosi vya serikali vitaendelea na operesheni ya kutaka kudhibiti tena maeneo na kuendeleza uhuru wa mipaka yake.

Mwenyekiti wa Baraza la Urais Rashad al-Alimi alitangaza siku ya Jumapili kuhusu kuanzishwa kwa operesheni ya kijeshi dhidi ya Houthi, akisema kuwa wanajeshi, vikosi vya usalama na vikosi vingine vya jeshi vimeagizwa kuchukua tena udhibiti wa maeneo yaliyokuwa chini ya kundi hilo.