Wasiirka Warfaafinta, Dhaqanka iyo Dalxiiska Soomaaliya, Cabdifataax Qaasim Maxamed, ayaa magaalada Nairobi kula kulmay Safiirka Hindiya u fadhiya Kenya iyo Soomaaliya, Adarsh Swaika, iyagoo ka wada hadlay xoojinta iskaashiga dhinacyada warfaafinta iyo dhaqanka.
Wasiirka Warfaafinta, Dhaqanka iyo Dalxiiska ee Jamhuuriyadda Federaalka Soomaaliya, Cabdifataax Qaasim Maxamed, ayaa magaalada Nairobi ee dalka Kenya kulan kula yeeshay Safiirka Hindiya u fadhiya Kenya iyo Soomaaliya, Adarsh Swaika.
Kulanka ayaa diiradda lagu saaray xoojinta iskaashiga Soomaaliya iyo Hindiya ee dhinacyada warfaafinta iyo dhaqanka, gaar ahaan horumarinta iyo kobcinta xirfadaha shaqaalaha, u gudbidda nidaamyada dijitaalka ah, iyo xoojinta iskaashiga kooxaha fanka iyo dhaqanka.
Wasiir Cabdifataax Qaasim ayaa dowladda Hindiya uga mahadceliyay taageerada iyo iskaashiga ay la leedahay Soomaaliya, gaar ahaan dadaallada lagu horumarinayo warbaahinta qaranka, kooxda hiddaha iyo dhaqanka, iyo kor u qaadista awoodda shaqaalaha.
