Jam’iyyar African Democratic Congress (ADC) ɓangaren David Mark ta taya sabbin shugabannin jihohi da aka zaɓa murna kan yadda aka gudanar da tarukan jam’iyyar lafiya, inda ta bayyana su a matsayin madubin jajircewar jam’iyyar ga tsarin dimokuraɗiyya na cikin gida da bin doka da oda.

A cikin wata sanarwa da Sakataren Yaɗa Labarai na Ƙasa, Bolaji Abdullahi, ya fitar a ranar Lahadi, jam’iyyar ta sanar da cewa za a rantsar da sabbin jami’an a ranar 12 ga watan Mayun 2026, ko kuma a wata rana da za a sanar nan gaba.

Haka kuma, ADC ta buƙaci jami’an da su ci gaba da jajircewa ga manufofin jam’iyyar sannan su yi tafiya tare da alkiblar shugabancin Shugaban jam’iyyar na Ƙasa, David Mark, yayin da suke ƙoƙarin ƙarfafa jam’iyyar a faɗin ƙasar.

Sanarwar ta ce: “Jam’iyyar African Democratic Congress (ADC) tana taya dukkan sabbin shugabannin jihohi murna a faɗin tarayya kan nasara da kuma kwanciyar hankalin da aka samu lokacin gudanar da tarukan jam’iyyar.

“Wadannan zaɓukan, waɗanda aka gudanar daidai da tanadin doka da kundin tsarin mulkin jam’iyya, suna nuna jajircewar ADC ga dimokuraɗiyya cikin gida, gaskiya, da bin doka. Muna jinjina wa dukkan mambobin jam’iyya da masu ruwa da tsaki kan yadda suka yi amfani da haƙƙinsu na dimokuraɗiyya cikin girma, tarbiyya, da haɗin kai.

“Jam’iyyar tana farin cikin sanar da cewa an shirya rantsar da sabbin shugabannin jihohin a ranar 12 ga watan Mayun 2026, ko kuma a wata rana da Kwamitin Gudanarwa na Ƙasa (NWC) zai sanar nan gaba.

“Yayin da kuke shirin karɓar rantsuwar ofis, muna kira ga dukkan zaɓaɓɓun jami’an da su tsaya tsayin daka kan manufofi da hangen nesa na jam’iyyar. Aikin da ke gaba yana buƙatar haɗin kai, tarbiyya, da ci gaba da ƙoƙarin sanar da zabi ga mutanen Nijeriya.

“ADC tana da kwarin gwiwar cewa, a ƙarƙashin jagorancinku a matakin jiha, jam’iyyar za ta ci gaba da bunƙasa, ƙarfafa tsarinta, da kuma ƙulla kyakkyawar alaƙa da ’yan ƙasa a faɗin ƙasar.

“Har ila yau, muna taya ku murna.”

Jam’iyyar adawar ta ci gaba da gudanar da tarukanta ne a jihohi da dama duk da matakin da Hukumar Zaɓe Mai Zaman Kanta ta Ƙasa (INEC) ta ɗauka na rashin amincewa da shugabancin jam’iyyar biyo bayan hukuncin kotu.

Yayin da yake magana a shirin The Morning Brief na gidan talbijin na Channels a ranar Alhamis, kafin gudanar da tarukan a ranar Asabar, wani jigo a jam’iyyar ADC, Ralph Nwosu, ya bayyana dalilin da ya sa jam’iyyar ta ci gaba da gudanar da taron duk da matakin INEC.

“Muna ɗaukar matakan da suka dace a kotu da kuma wajen INEC, amma ba za mu bar INEC ta kawo cikas ga shirye-shiryenmu ba. Bayan waccan sanarwar ta INEC mai cike da ƙeta, shugabanmu da sauranmu mun zauna mun yanke shawarar ci gaba da tafiya,” in ji shi a shirin na safe.

“Mun miƙa shirye-shiryenmu ga INEC kamar yadda doka ta tanada, kuma sun amince da su—an amince da dukkan kwanakin. A ƙarƙashin dokar zaɓe, ko sun zo ko ba su zo ba, wannan ya rage nasu; ba mu keta kowace doka ba.

“An riga an fara tarukan jam’iyyar. Babban taronmu na ƙasa, wanda aka tsara gudanarwa a ranar 14 ga wata, shi ma zai ci gaba, inda za mu tabbatar da dukkan abubuwan da muka aikata. Ba ma son masu kwadayi a ADC; muna son shugabanni masu manufa waɗanda ke da ƙarfin gwiwar ƙalubalantar tsari mara kyau.”

Nwosu ya ce ADC za ta sanar da INEC shirye-shiryenmu, har da “babban taronmu na ƙasa mai zuwa don zaɓar ɗan takarar shugaban ƙasa da sauran ’yan takara”.

“Idan ba su karɓa ba, za mu wallafa shi ga dukkan kafofin yaɗa labarai na Najeriya domin su ne wakilan jama’a,” in ji Nwosu, wanda shi ne ya kafa jam’iyyar ta