Rahotanni daga Sifaniya na cewa Real Madrid ta sabunta sha’awar da take da ita ta ɗauko matashin ɗanwasan tawagar Sifaniya, Ferran Torres, wanda yake buga wa ƙungiyar Barcelona wasa.
Mai shekaru 26, Torres ne ya ci ƙwallo guda da ta bai wa tawagar Sifaniya nasara kan Argentina a wasan ƙarshe na gasar Kofin Duniya ta FIFA 2026 da aka kammala a ƙarshen makon jiya.
Tun kafin farin-jinin ɗanwasan ya ƙaru saboda bajintarsa a Kofin Duniya, da ma Madrid tana bibiyarsa sanda yana buga wa Valencia, lokacin da ta yi yunƙurin sayo shi amma sai ya zaɓi tafiya Manchester City.
Sai dai Torres yana da kwantiragi a Barcelona da za ta kai 2027, amma taɓarɓarewar sadarwa tsakanin ɗanwasan da shugabancin Barca cikin watannin baya-bayan nan ta buɗe ƙofar yiwuwar tafiyarsa.
Kafin kakar bana da za a fara, zai iya tafiya kan kuɗin da ba su taka kara sun karya ba, ko ya jira ƙarshen kwantiraginsa a kakar baɗi.
Sai dai rahotanni sun ce a yanzu Barcelona ta saka masa farashin kusan euro miliyan 50 gabanin fara sabuwar kaka.
Ƙwallon da Ferran Torres ya ci a wasan ƙarshe na Kofin Duniya ta janyo hankulan jaridun duniya, kuma hakan ya saka farashinsa ya hau a wajen jami’an Barcelona.
Har ta kai ana cewa ƙungiyar tasa ta fara tattauna batun ba shi sabuwar kwantiragi. Sai dai Barca na neman kuɗin sayo Julián Álvarez, kuma sayar da Torres zai taimaka ta cika wannan burin.
Amma kuma, cinikin ɗanwasa tsakanin Real Madrid da Barcelona abu ne mai kamar wuya. Sannan baya ga Madrid, akwai rahotannin da ke cewa Paris Saint-Germain ta Sifaniya na sha’awar ɗaukar Torres.
