19 Aug 2024
'Yan Kwankwasiyya suna so su haɗa ni faɗa da Tinubu: Ganduje

'Yan Kwankwasiyya suna so su haɗa ni faɗa da Tinubu: Ganduje

Ganduje ya ce ba shi da hannu a fastocin da aka mammanna a wasu yankuna na ƙasar, musamman a babban birnin Tarayya da ke nuna shi a matsayin ɗan takara shugaban ƙasa tare da gwamnan jihar Imo, Hope Uzodimma, a matsayin mataimakinsa a zaben 2027.
Abdullahi Umar Ganduje ya daɗe yana takun-saƙa da Rabiu Kwankwaso, mutumin da a baya ya kasance abokin tafiyarsa a siyasa kuma wanda ya gada a matsayin gwamnan Kano./Hoto:Gandujiyya Online/X

Shugaban riƙo na jam'iyyar APC mai mulkin Nijeriya Abdullahi Umar Ganduje ya yi zargin cewa 'yan Kwankwasiyya ne suka buga fastocinsa da ke nuna cewa zai tsaya takarar shugaban ƙasa a zaɓen 2027.

A wata sanarwa da Edwin Olofu, mai magana da yawun Ganduje ya fitar ranar Lahadi a Abuja, ya yi watsi da fastocin da aka mammanna a wasu yankuna na ƙasar, musamman a Babban Birnin Tarayya da ke nuna shi a matsayin ɗan takarar shugaban ƙasa tare da gwamnan jihar Imo, Hope Uzodimma, a matsayin mataimakinsa.

Sanarwar ta ce, “Muna sanar da jama'a cewa fastocin da a yanzu haka ake watsawa a shafukan sada zumunta, waɗanda ke iƙirarin cewa shugaban jam'iyyar APC, Abdullahi Ganduje, zai yi takarar shugaban ƙasa a 2027 tare da gwamnan jihar Imo, Hope Uzodimma, a matsayin mataimakinsa, ƙarya ce tsagwaronta kuma labari ne na ƙanzon kurege.

“Jam'iyyar All Progressives Congress tana so ta bayyana ƙarara cewa wannan aiki ne na maƙetata, da wataƙila suka haɗa baki da wasu 'yan Kwankwasiyya, waɗanda suka sha alwashin haddasa rashin jituwa tsakanin Dr. Ganduje da shugaban ƙasa, Bola Ahmed Tinubu," in ji sanarwar.

Sai dai sanarwar ba ta bayar da wata hujja da ke nuna cewa 'yan Kwankwasiyya ne suka buga fastocin da ke nuna Ganduje a matsayin ɗan takarar shugaban ƙasa ba. Kazalika kawo yanzu 'yan Kwankwasiyya ba su yi raddi kan wannan zargi ba.

Labarai masu alaka

Jadawalin bikin mika mulki daga Shugaba Buhari zuwa Bola Tinubu

Jadawalin bikin mika mulki daga Shugaba Buhari zuwa Bola Tinubu

Gwamnatin Nijeriya ta fitar da tsarin bikin mika mulki na mako daya tsakanin Shugaba Muhammadu Buhari da shugaba mai jiran gado Bola Tinubu.
Ba ma kokarin Musuluntar da Nijeriya – Shettima

Ba ma kokarin Musuluntar da Nijeriya – Shettima

Shettima ya ce Tinubu bai Musuluntar da iyalinsa ba ballantana ya Musuluntar da 'yan Nijeriya baki daya.
Bola Tinubu: Abubuwan da ‘yan Nijeriya ke son sabon shugaban kasa ya sanya a gaba

Bola Tinubu: Abubuwan da ‘yan Nijeriya ke son sabon shugaban kasa ya sanya a gaba

Babban aikin da ke gaban Bola Tinubu bayan ya karbi mulkin kasa mafi karfin tattalin arziki da yawan jama'a a shi ne yadda zai magance matsalar tsaro da kuncin rayuwa da ke addabar 'yan kasar.
Bola Tinubu: Alkawura bakwai da sabon shugaban Nijeriya ya yi wa 'yan kasar

Bola Tinubu: Alkawura bakwai da sabon shugaban Nijeriya ya yi wa 'yan kasar

Shugaba Tinubu ya ce zai tafiyar da mulkinsa bisa bin doka da oda kuma ya yi alkawarin bunkasa tattalin arzikin kasar da samar da tsaro da kuma yaki da cin hanci da rashawa da sauransu.

Masu tashe a wannan bangaren

An saki yaran da aka kama lokacin zanga-zanga a Nijeriya

An saki yaran da aka kama lokacin zanga-zanga a Nijeriya

An soke ƙarar ce kwana guda bayan Shugaba Bola Tinubu ya umarci kotu ta saki ƙananan yara da aka gurfanar a gabanta, waɗanda suke cikin mutanen da gwamnatin tarayyar ƙasar ta zarga da cin amanar ƙasa - lamarin da ya jawo ce-ce-ku-ce a ƙasar.
Shugaban Guinea-Bissau ya ɗaga zaɓukan watan Nuwamba

Shugaban Guinea-Bissau ya ɗaga zaɓukan watan Nuwamba

Shugaban Guinea-Bissau Umaro Sissoco Embalo ya ɗaga zaɓukan 'yan majalisa na 24 ga watan Nuwamba a hukumance.
Tinubu ya ba da umarnin sakin yaran da aka kama lokacin zanga-zanga a Nijeriya

Tinubu ya ba da umarnin sakin yaran da aka kama lokacin zanga-zanga a Nijeriya

Shugaba Tinubu ya bayar da umarnin a gaggauta sakin ƙananan yaran ba tare da la'akari da duk wata shari'a da suke fuskanta ba, kamar yadda ministan watsa labarai na Nijeriya ya tabbatar.
Babu ɓaraka tsakanin Abba da Kwankwaso – Gwamnatin Kano

Babu ɓaraka tsakanin Abba da Kwankwaso – Gwamnatin Kano

Gwamnatin Kano ta ƙaryata zargin da ake yi kan cewa Abba Gida-Gida ya daina ɗaukar wayar uban gidansa Sanata Rabiu Musa Kwankwaso inda ta ce har yanzu yana kallonsa a matsayin jagora a jam’iyya da kuma tafiyarsa ta siyasa

Me kuma za ku so ku sani?

Shahararru
Hilda Baci: 'Yar Nijeriya na shirin kafa tarihin cin gasar Guiness World Records a fannin girki

Hilda Baci: 'Yar Nijeriya na shirin kafa tarihin cin gasar Guiness World Records a fannin girki

Ya zuwa ranar Litinin da karfe 08:32 na safe a agogon kasar, Hilda Baci ta shafe awanni 88 da minti 32 tana girki babu tsayawa.
'Tafiya zagaye na biyu na zaben Turkiyya alama ce ta karfin dimokuradiyyar kasar'

'Tafiya zagaye na biyu na zaben Turkiyya alama ce ta karfin dimokuradiyyar kasar'

Masu sharhi sun ce sakamakon zabukan sun nuna cewa kuri’un jin ra’ayin jama’a da kasashen waje suka gudanar da labaran kyamar Erdogan da kafafen watsa labaran waje suka yi ba su bayyana hakikanin gaskiyar lamari ba.
Kokarin da Erdogan ya yi a zabe ya nuna kuskuren jaridun kasashen yamma

Kokarin da Erdogan ya yi a zabe ya nuna kuskuren jaridun kasashen yamma

An shafe kwanaki jaridun Amurka da na Turai suna watsa labarai kan tabbacin ‘yan adawa ne za su ci zabe, wanda sakamakon da aka fitar na zaben ranar Lahadi ya nuna kuskurensu.
'Ba za mu iya jure wa halin da ake ciki a Sudan ba'

'Ba za mu iya jure wa halin da ake ciki a Sudan ba'

Wani mazaunin Khartoum ya ce sun tsere zuwa gidajensu makwabtansu domin tsira daga yaki, amma luguden wutar da ake yi ya bi su har can.
Abubuwan da ake koya wa sabbin gwamnonin Nijeriya a taron horar da su

Abubuwan da ake koya wa sabbin gwamnonin Nijeriya a taron horar da su

Mece ce manufar taron? Su waye mahalartansa? Me ake horar da gwamnonin? Wadannan su ne tambayoyin da wannan makala za ta duba amsoshinsu.