| Somali
GANACSI & TEKNOLOJI
2 daqiiqo akhris
Dowladda Soomaaliya oo nidaamka mushaar-bixinta ku xiraysa Aqoonsiga Qaranka
Xisaabiyaha Guud ayaa hay’adaha dowladda faray inay dib u hubiyaan xogta shaqaalahooda ku jira nidaamka mushaar-bixinta, isla markaana ay shaqaalaha aan weli haysan Aqoonsiga Qaranka ku wargeliyaan inay si degdeg ah isaga diiwaangeliyaan NIRA
Dowladda Soomaaliya oo nidaamka mushaar-bixinta ku xiraysa Aqoonsiga Qaranka
Xisaabiyaha Guud ee Dowladda Soomaaliya Maxamed Maxamuud Cabdulle / Others

Xisaabiyaha Guud ee Dowladda Soomaaliya, Maxamed Maxamuud Cabdulle, ayaa faray dhammaan wasaaradaha, hay’adaha iyo xafiisyada Dowladda Federaalka inay u diyaar-garoobaan isku-xirka nidaamka mushaar-bixinta dowladda iyo nidaamka Aqoonsiga Qaranka ee NIRA.

Cabdulle ayaa arrintan ku sheegay warqad rasmi ah oo uu 29-kii Agoosto 2026 u diray hay’adaha dowladda, taas oo sidoo kale ogeysiis ahaan loo gaarsiiyey Guddiga Qaranka ee Shaqaalaha Rayidka Dowladda iyo Hay’adda Aqoonsiga iyo Diiwaangelinta Qaranka ee NIRA.

Warqadda ayaa lagu sheegay in nidaamka mushaar-bixinta dowladda ee Payroll/SFMIS lagu xiri doono nidaamka Aqoonsiga Qaranka, iyadoo tallaabadan looga gol leeyahay xaqiijinta aqoonsiga iyo saxnaanta xogta shaqaalaha dowladda, xoojinta hufnaanta iyo isla-xisaabtanka mushaar-bixinta, iyo hubinta in mushaarka dowladda la siiyo shaqaalaha xaqa u leh oo keliya.

Wajiga koowaad ee qorshahan, shan hay’adood oo dowladda ka tirsan ayaa lagu sameyn doonaa tijaabo hordhac ah oo bilaabanaysa 1-da Oktoobar 2026. Marka la qiimeeyo natiijada tijaabada, nidaamka ayaa si tartiib-tartiib ah loogu ballaarin doonaa hay’adaha kale ee dowladda.

Dhaqan-gelinta buuxda ee nidaamkan ayaa la qorsheeyey in la gaaro ugu dambeyn 31-ka Diseembar 2027.

Xisaabiyaha Guud ayaa hay’adaha dowladda faray inay dib u hubiyaan xogta shaqaalahooda ku jira nidaamka mushaar-bixinta, isla markaana ay shaqaalaha aan weli haysan Aqoonsiga Qaranka ku wargeliyaan inay si degdeg ah isaga diiwaangeliyaan NIRA.

Warqadda ayaa sidoo kale lagu sheegay in marka isku-xirka nidaamkan si rasmi ah loo dhaqan-geliyo, shaqaalaha aan haysan Aqoonsiga Qaranka ama aan xogtooda si sax ah looga xaqiijin nidaamka ay arrintaasi saameyn ku yeelan karto mushaar-bixintooda.

Xisaabiyaha Guud ayaa dhammaan hay’adaha dowladda ku adkeeyey inay arrintan siiyaan mudnaan gaar ah, isla markaana ay dhammaystiraan hubinta xogta iyo diiwaangelinta shaqaalahooda si looga fogaado dib-u-dhac ama caqabado ku yimaada nidaamka mushaar-bixinta iyo hufnaanta maaliyadda dowladda.

XIGASHO:TRT SOMALI
Raadi Warar Kale
Soomaaliya iyo Shiinaha oo Ka Wada Hadlay Iskaashiga Maaliyadeed ee Fududeynaya Ganacsiga Labada Dal
Soomaaliya oo markii ugu horreysay madal ganacsi ka furatay Bandhigga Badeecadaha Shiinaha (CIIE)
Soomaaliya iyo Qatar oo isku raacay xoojinta iskaashiga duulista rayidka iyo maamulka hawada
Turkiga oo markab cilmi-baaris u soo diraya xeebaha Soomaaliya si loo horumariyo Dhaqaalaha Buluugga
In ka badan 20 hoggaamiye iyo wakiillo Afrikaan ah oo Masar isugu imanaya shirka ganacsiga qaaradda
Hay’adda Maalgashiga Soomaaliya iyo Bangiyada oo Qabtay Madal Wadahadal oo ku Saabsan Maalgashiga
Jubba Airways oo Dib u Bilowday Duulimaadyada Caalamiga ah Laguna Soo Dhaweeyay Garoonka Aadan Cadde
Soomaaliya oo Muqdisho ka Furtay Shirka Talagelinta Hoggaamiyeyaasha Qurbo-joogta ah
Soomaaliya oo ka qeybgalaysa shirka ugu weyn caalamka ee kalluumeysiga iyo dhaqaalaha buluugga
Midowga Afrika oo bogaadiyay ku biirista Soomaaliya ee AfCFTA iyo horumarka ganacsiga
Soomaaliya oo shaacisay in shirkaddii Somali Airlines ay dib u hawlgeli doonto bisha Sebteembar
Soomaaliya oo 75% baahida cuntadeeda dibadda ka soo dhoofsata, sannadkiina ku bixisa $2.2 bilyan
Golaha Wasiirrada oo ansixiyay Hindise-sharciyeedka Caddeynta Asalka Badeecadaha
Shirkadda diyaaradaha ee EgyptAir oo dib u billowday duullimaadyadii Suudaan
Shirkadda dhoofinta badeecadaha badda Maersk oo hakisay ballansashadii rar cusub ee dekedda Berbera
Turkiga oo joojiyey duulimaadyadii dalalka bariga dhexe sababo amaan awgood
Muqdisho: Garoonka Aadan Cabdulle oo yeeshay Terminaal cusub oo casri ah
Soomaaliya oo diidday in diyaarad Israa'iili ah ay marto hawadeeda
Mareykanka iyo Midowga Afrika oo dhisaya guddi loogu talagalay horumarinta maalgashiga
Wadahadallo dhaqaale oo u dhexeeya Suudaan iyo Turkiga oo lagu qabtay Ankara