Wani bikin masu hannu da shuni a aka yi a Mali ya zama btun tattaunawa saboda nuna tsagwaron arziki.
Tare da aurar da ma’airata 13, bikin na tsawon mako guda a Bamako ya samu lakabin "Auren Duniya".
Amma wata mata ta janye dukkan hankula a wajen bikin. An rawaito cewa 'yarkasuwa Oumou Sininta Diallo ta bayyana a ranar 18 ga Oktoba sanye da kayan ado na zinare masu nauyin "kilogram 10" wanda darajarsu ta kai kimanin dala miliyan 1.6, a cewar kafofin watsa labarai na cikin gida.
Diallo 'yar kasuwa ce mai arziki a Mali, mai son jama'a kuma mai taimakon jama'a.
Attajirar na zaune tare da aiki a kasar Gabon mai arzikin mai tare da mijinta, Seydou Makan Diallo, shi ma fitaccen ɗankasuwa.
An ruwaito suna da hannu a jigilar kaya da jigilar kayayyaki, inda suka gina manyan ayyukan kasuwanci, kodayake ba a fayyace ainihin bayanan kasuwancinsu ba.
An shirya wannan gagarumin biki ne don murnar auren ma'aurata sama da goma sha biyu a cikin dangin Diallo a lokaci guda, ciki har da ɗansu.
Kayan kawa
Ɗaya daga cikin manyan kafafen watsa labarai na ƙasar Mali Actu ta ruwaito cewa taron ya ƙunshi kayayyaki masu tsada kamar agogon Rolex da jakunkunan Louis Vuitton, tare da "kayan ado masu darajar sama da CFA biliyan ɗaya", daidai da dala miliyan $1.6.
Kafafen watsa labarai na cikin gida sun rawaito cewa bikin ya kuma tattara shahararrun mawakan yankin, tare da aka kuma raba wa mawakan kudi sama da CFA miliyan 100, daidai da $170,000.
A Mali da kuma a faɗin Yammacin Afirka, masu rawa sun wuce matsayin masu nishadantarwa kawai. Su ne masu rike da tarihin iyali, masu ba da labari da yin yabo waɗanda ke taka muhimmiyar rawa a bukukuwan aure da sauran manyan bukukuwa.
Kyaututtukan karamci na girmama gudunmawar da suke bayarwa wajen raya al'adu yayin da suke bayyana dukiyar iyali, martaba da matsayi.
Bayyana arziki
Ba a iya tabbatar da ainihin adadin da aka kashe wajen bikin auren ba, kuma iyalan Diallo ba su bayyana jimillar darajar da nauyin kayan adon da sauran kayayyaki suke da shi ba
Sanye kayan adon zinare masu kyau a bukukuwa galibi ana ganin su a matsayin nuna arziki, girma da daraja.
Mali tana ɗaya daga cikin ƙasashen da ke samar da zinare a duniya, a cewar Majalisar Zinare ta Duniya.
Ƙarfen mai daraja ya kai kashi 80% na jimillar kayayyakin da ake fitarwa daga kasar. Haka kuma yana da ma'ana mai zurfi a tsakanin al'ummomin Yammacin Afirka da ma wasu wurare.
