Wasiirka Arrimaha Dibadda Turkiga Hakan Fidan ayaa magaalada New York kaga qaybgalay kulankii lixaad ee wasiirrada arrimaha dibadda Turkiga, Masar, Pakistan iyo Sacuudi Carabiya, taas oo qayb ka ahayd kulamadiisa diblomaasiyadeed ee dhinaca Golaha Guud ee Qaramada Midoobay.
Bayaan ay ku baahisay barta bulshada ee Mareykanka laga leeyahay ee X, Wasaaradda Arrimaha Dibadda Turkiga ayaa sheegtay in Fidan uu ka qaybgalay kulanka ay isugu yimaadeen wasiirrada arrimaha dibadda ee afarta dal.
Fidan ayaa sidoo kale ka qaybgalay kulan isku-duwid ah oo lagu qabtay dhinaca Golaha Guud ee Qaramada Midoobay, kaas oo ay isugu yimaadeen wasiirrada arrimaha dibadda Imaaraadka Carabta, Indonesia, Qatar, Masar, Pakistan, Sacuudi Carabiya iyo Urdun.
Kulamadan ayaa qayb ka ahaa xiriirrada diblomaasiyadeed ee Fidan ee magaalada New York, halkaas oo uu kaga qaybgalayo kulamo heer sare ah oo xiriir ah oo ka dhacaya dhinaca Golaha Guud ee Qaramada Midoobay.
