Xoghayaha Arrimaha Dibadda ee Maraykanka Marco Rubio ayaa sheegay in Washington ay dib u qiimeyn karto xiriirkeeda isbahaysiga NATO kadib dagaalka Iiraan, isagoo xusay niyad-jab ka dhashay diidmada xulafada ee taageeridda dagaalka Maraykanka iyo Israa’iil ee Iiraan.
“Kadib marka khilaafkan la soo gabagabeeyo, waa inaan dib u eegnaa xiriirkaas,” ayuu Rubio ku sheegay wareysi uu siiyay FOX News.
“Waa inaan dib u qiimeynaa qiimaha NATO iyo isbahaysigaas dalkeenna,” ayuu ku daray.
Wuxuu sheegay in go’aanka ugu dambeeya uu ku xiran yahay madaxweynaha.
Rubio ayaa ku dhaliilay xulafada NATO inay diideen codsiyo Maraykan ka yimid oo ku saabsan isticmaalka saldhigyada militari.
“Ma weydiisaneyno inay duqeymo cirka ah fuliyaan. Marka aan u baahanno inay noo oggolaadaan inaan isticmaalno saldhigyadooda militari, jawaabtoodu waa ‘Maya.’ Markaas maxaan ugu jirnaa NATO?” ayuu yiri.
