Kiongozi wa upinzani nchini Uganda, Kizza Besigye, ambaye anakabiliwa na kesi ya uhaini, amelazwa tena hospitalini, mkewe alisema hayo mwishoni mwa siku ya Ijumaa.
Winnie Byanyima alisema katika ujumbe kwenye mtandao wa X kwamba mumewe alihamishwa kutoka gerezani kwenda hospitalini "baada ya giza kuingia" siku ya Ijumaa.
"Bado ni dhaifu sana. Anapata shida kutembea, kuzungumza, kuandika au hata kushikilia kitu kwa uthabiti," aliongeza.
Besigye, mwenye umri wa miaka 70, ni daktari wa zamani wa Rais wa Uganda Yoweri Museveni lakini alihamia upande wa upinzani zaidi ya miaka 25 iliyopita.
Kitengo cha uangalizi maalum
Alikamatwa mwezi Novemba 2024 wakati wa safari nchini jirani wa Kenya na kurejeshwa Uganda, ambapo alifikishwa mbele ya mahakama ya kijeshi kwa tuhuma za kupanga njama dhidi ya Museveni.
Tangu wakati huo, kesi hiyo imehamishiwa kwenye mahakama ya kiraia.
Besigye sasa amepelekwa hospitalini mara nne tangu alipowekwa kizuizini.
Mwishoni mwa mwezi Julai, alizirai wakati wa kikao cha mahakama na kupatiwa matibabu katika kitengo cha uangalizi maalum. Alirejeshwa gerezani tarehe 8 Agosti kinyume na ushauri wa madaktari, kulingana na mkewe.
"Kwa nini kumzungusha mtu mgonjwa kutoka sehemu moja hadi nyingine? Kwa nini kumnyima huduma ya familia yake? Kwa nini kulazimisha kesi dhidi ya mtu ambaye ni mgonjwa kiasi cha kushindwa kujitetea?" aliandika siku ya Ijumaa.
AFRIKA
2 dk kusoma
Kiongozi wa upinzani nchini Uganda, Besigye, apelekwa hospitalini kutoka gerezani
Mkewe, Winnie Byanyima alisema katika chapisho kwenye mtandao wa X kwamba Kizza Besigye alihamishwa kutoka gerezani hadi hospitalini "baada ya giza kuingia" siku ya Ijumaa.
Soma zaidi
