Wakati Kombe la Dunia likisalia kuwa hatua ya mwisho ya kandanda, mashindano ya 2026 yanatajwa kuwa makubwa zaidi katika historia.

Yakishirikisha mataifa 48 na mechi 104 kote Marekani, Canada na Mexico, michuano hiyo itawaunganisha magwiji wa kimataifa, wenye vipaji vinavyoinuka na wakongwe wanaosaka ubingwa wa mwisho.

Ingawa zaidi ya wachezaji 1,200 wanashindana, ni wachache tu waliochaguliwa wataandika majina yao katika historia ya soka.

Kwa shinikizo kubwa na kuhesabu kila sekunde, bao moja, kuokoa, au dakika ya maamuzi inaweza kubadilisha maisha ya mchezaji kabisa.

TRT World inawataja wachezaji 15 muhimu wanaotarajiwa kuleta matokeo makubwa kwa timu zao katika mashindano hayo na kutoa matukio yasiyosahaulika kwa mashabiki.

Lamine Yamal (Uhispania)

Ni rahisi kusahau kwamba Yamal ana umri wa miaka 18 pekee, kutokana na mafanikio yake makubwa akiwa na Barcelona na Uhispania.

Mshambulizi huyo wa Barcelona alifunga mabao 27 kwenye La Liga msimu wa 2025-26, yakiwemo mabao 16 na ‘assist’ 11. Zaidi ya hayo, alirekodi mabao sita na pasi nne za mabao kwenye Ligi ya Mabingwa ya UEFA.

Yamal amekuwa nje ya uwanja kutokana na jeraha la msuli wa paja alilopata wakati Barcelona wakishinda mchezo wa La Liga dhidi ya Celta Vigo mwezi Aprili, na hivyo kuzua hofu kuwa huenda akakosa mechi ya ufunguzi ya hatua ya makundi ya Uhispania.

Kocha mkuu Luis de la Fuente, hata hivyo, amethibitisha Yamal yuko njiani kupona kwa mechi ya ufunguzi ya Kombe la Dunia ya Uhispania dhidi ya Cape Verde wiki ijayo.

Kylian Mbappe (Ufaransa)

Mbappe anachukuliwa kuwa mmoja wa wachezaji machachari wa kandanda ulimwenguni, na waangalizi wengi wanamchukulia kuwa mchezaji bora zaidi ulimwenguni.

Yeye ni mfungaji wa mabao asilia, ana kasi kubwa, na ujuzi wa kuwazidi mabeki katika hali ya mtu mmoja-mmoja.

Akiwa na umri wa miaka 19, aliiongoza Ufaransa kutwaa taji la Kombe la Dunia la 2018. Mnamo 2022, aliiongoza timu yake kwenye mechi ya mwisho dhidi ya Argentina.

Mfaransa huyo mwenye umri wa miaka 27 atakuwa akitafuta kuacha alama nyingine kubwa katika Kombe la Dunia la 2026 baada ya kupata huzuni kubwa nchini Qatar licha ya kufunga hat-trick katika fainali ya 2022.

Erling Haaland (Norway)

Ingawa kapteni huyo wa Norway bado hajacheza mechi yake ya kwanza katika Kombe la Dunia, Haaland amejidhihirisha kuwa mmoja wa washambuliaji bora zaidi duniani akiwa na umri wa miaka 25.

Akiwa na urefu wa futi 6 na inchi 5, mshambuliaji huyo wa Norway ameifungia Manchester City zaidi ya mabao 160 tangu ajiunge na klabu hiyo mwaka wa 2022, na kuvunja rekodi nyingi.

Norway ilishiriki kwa mara ya mwisho kwenye Kombe la Dunia la FIFA mnamo 1998, na kufika hatua ya 16 - mashindano ambayo yalihitimishwa siku 19 kabla ya Haaland kuzaliwa.

Akiongea na FIFA hivi majuzi, Haaland alisema: "Sijawahi kuona Norway kuwa kwenye Kombe la Dunia maishani mwangu, kwa hivyo nadhani ni wakati."

Vinicius Junior (Brazili)

Anayechukuliwa kuwa mmoja wa wachezaji walio na vipawa vya kiufundi zaidi ulimwenguni, Vini Junior au Vinicius anabeba matumaini ya taifa la Amerika Kusini lenye uraibu mkubwa zaidi wa soka na ataongoza safu ya mbele ya Brazil kwenye Kombe la Dunia.

Shujaa wa Real Madrid wa kimy akimya alirekodi mabao 16 na asisti 5 katika msimu uliopita. Pia aliiongoza Los Blancos kushinda mataji mawili ya UEFA Champions League.

Kwa kuwa Brazil haijashinda Kombe la Dunia tangu 2002, vijana wa Carlo Ancelotti watamtegemea winga Viniciusto kuleta utukufu kwa Selecao.

"Mimi ndiye kila mtu anazungumza juu yake kwa sasa kwa sababu nimekuwa na misimu mitano au sita chanya katika Real Madrid na tayari nimekuwa miongoni mwa wachezaji bora zaidi duniani," alisema katika mahojiano ya hivi majuzi.

Harry Kane (Uingereza)

Harry Kane anachukuliwa kuwa mmoja wa wafunga mabao wa ngazi ya juu duniani. Ingawa hana sifa sawa za kimwili kama Haaland au Mbappe, ana ujuzi wa kipekee katika kuweka na kuunda nafasi.

"Sisi sote ni wanariadha wa kulipwa. Sote tumefanya maandalizi sahihi kujiandaa kwa mashindano haya kati yetu na wafanyakazi pia... kwa hivyo nadhani kuja kwa mashindano, haitakuwa sababu."

Kane ni muhimu sana kwa England kiasi kwamba mshambuliaji wa zamani Chris Sutton anaamini kwamba kama Kane "angetangaza kustaafu kwake kimataifa leo mchana, kila mtu angetazama mara moja nafasi za Kombe la Dunia za Uingereza kwa mtazamo tofauti na wa kukata tamaa."

Ousmane Dembele (Ufaransa)

Mfaransa mwingine katika orodha hiyo, Ousmane Dembele, ni mchezaji muhimu wa Paris Saint-Germain na tayari ameisaidia timu yake kushinda mataji mawili mfululizo ya Ligi ya Mabingwa.

Mshindi huyo wa Ballon d'Or 2025 alirejea PSG mwaka wa 2023 baada ya kukaa vibaya Barcelona.

Akiwa na kasi kubwa na ustadi wa kumalizia, Dembele anaungana na Mbappe na Michael Olise wa Bayern Munich na kuunda wachezaji watatu wa mbele hatari zaidi katika dimba hilo.

Dembele bado anaangazia mashindano hayo, akikubali mazingira ya ushindani.

Lionel Messi (Ajentina)

Bila shaka mchezaji bora zaidi katika historia ya mchezo huo, Lionel Messi, ambaye anatimiza umri wa miaka 39 mwezi huu wa Juni, ataiongoza timu ya Argentina katika michuano hiyo.

Mshindi huyo mara nane wa tuzo ya Ballon d'Or atatokea katika Kombe lake la sita la Kombe la Dunia na atawaongoza wenzake kuhifadhi taji hilo.

Alipumzishwa katika mechi yao ya hivi majuzi ya kirafiki dhidi ya Honduras mnamo Juni 7 kutokana na matatizo ya misuli ya paja kuanzia mwishoni mwa Mei, na amekuwa akifanya mazoezi ya binafsi.

Kuhusu uwezekano wa Argentina kurudia kama mabingwa, Messi hivi majuzi aliambia katika mahojiano kwamba, "Lazima tufurahi, kama Waajentina wanavyofanya siku zote, lakini pia tunapaswa kujua kwamba kuna watu wengine wanaopendwa mbele yetu ambao wako katika fomu bora", akitaja Ufaransa, Uhispania, Brazil na Ureno kuwa washindani wenye nguvu.

Cristiano Ronaldo (Ureno)

Wachezaji wachache wamefanikiwa kile Ronaldo anacho. Fowadi huyo wa Ureno amemudu ufundi wake, na kufikia viwango vya juu vya ubora.

Mchezaji huyo mwenye umri wa miaka 41 ndiye mfungaji bora wa muda wote wa soka, akiwa na zaidi ya mabao 970. Ndiye mfungaji bora wa timu za taifa na mfungaji bora wa UEFA Champions League.

Huku Kombe la Dunia likisalia kuwa taji pekee kuu ambalo halipo katika maisha yake ya soka, Ronaldo atalenga kutwaa taji hilo katika kile kinachotarajiwa kuwa mechi yake ya mwisho kwenye michuano hiyo.

Jude Bellingham (Uingereza)

Akizingatiwa kama mustakabali wa timu ya Uingereza , Bellingham anachanganya sifa nyingi zinazomfanya kuwa mmoja wa viungo bora zaidi duniani.

Anaweza kufunga akiwa nje ya eneo la yadi 18, anaweza kuwa mchezaji mbunifu, ana uzoefu wa mchezo mkubwa, na anashikilia nafasi ya uongozi akiwa na miaka 22 pekee.

Bellingham tayari ameshacheza mechi 46 akiwa na England na atakuwa mmoja wapo wa majina makuu katika michuano hiyo.

Licha ya hadhi yake ya kuwa mmoja wa watu wenye vipaji vya hali ya juu duniani, Thomas Tuchel, meneja wa timu ya taifa ya Uingereza, ametuma ujumbe wa wazi kwa Bellingham, akimonya kiungo huyo wa Real Madrid kwamba nafasi yake katika kikosi cha kwanza cha England bado haijahakikishiwa.

Mohamed Salah (Misri)

Mmoja wa magwiji wa soka barani Afrika, Mohamed Salah, anafikisha mechi yake ya pili ya Kombe la Dunia mwaka 2026.

Winga huyo mwenye umri wa miaka 33 ana rekodi na tuzo nyingi chini ya ukanda wake, zikiwemo tuzo mbili za Mchezaji Bora wa Afrika na tatu za Mchezaji Bora wa Mwaka wa PFA.

Baada ya msimu mbaya akiwa na Liverpool, ambapo alitangaza kwamba angeihama klabu hiyo baada ya miaka tisa iliyotukuka, Salah atafanya kila awezalo kuwaongoza Mafarao hao kupata tikiti ya kwanza kabisa ya Misri kutinga hatua ya mtoano na kuthibitisha kwamba yeye ni mmoja wa wachezaji bora.

Misri wamo katika Kundi G pamoja na Ubelgiji, Iran na New Zealand, huku mechi yao ya ufunguzi ikicheza na Ubelgiji mnamo Juni 15. Salah, ambaye ni nahodha wa kikosi hicho ambacho kinaelekea kuwa fainali yake ya Kombe la Dunia, amesisitiza fahari, bidii, na ukweli kuhusu changamoto hiyo.

Arda Guler (Uturuki)

Arda Guler ana uwezo wa kubadilika wa kipekee na anaweza kucheza katika nafasi nyingi kwa kutumia miguu yote miwili.

Uturuki inarejea kwenye michuano hiyo baada ya miaka 24, huku Güler (sasa 21) akiibuka kuwa mmoja wa wachezaji nyota wa timu hiyo pamoja na wengine kama vile Kenan Yıldız wa Juventus.

Guler amesisitiza kuwa Uturuki wamedhamiria kuleta matokeo na hawaogopi mpinzani katika michuano hiyo.

"Tunafurahia sana Kombe la Dunia. Mara ya mwisho tulipoenda Kombe la Dunia, hata sikuwa nimezaliwa bado. Tulisikia kuhusu hilo kutoka kwa baba na kaka zetu. Tulifanya jitihada nyingi kushiriki kombe hilo. Tunataka kuonyesha kwamba hatukukuja hapa bure...Hatuogopi mtu yeyote!"

Matumaini ya Uturuki ya kusonga mbele kupita hatua ya makundi yamewekwa sana kwa Güler.

Achraf Hakimi (Moroko)

Achraf Hakimi ni mmoja wa mabeki washambuliaji bora zaidi duniani, ambaye bila shaka ndiye mchezaji bora wa Afrika kwa sasa, na anasalia kuwa uso wa kizazi hicho cha dhahabu cha "Atlas Lions".

Hakimi aliiongoza Morocco hadi fainali ya hivi majuzi ya AFCON na nusu fainali ya Kombe la Dunia la FIFA 2022. Wachezaji wachache sana wanaweza kuendana na kasi yake.

Beki huyo wa pembeni wa PSG atajaribu kurejesha tena mafanikio ya timu yake ya nchini Qatar mwaka 2022.

Nahodha huyo wa Morocco, beki wa kulia wa nyota, na anayebadilisha mchezo yuko katika Kombe lake la tatu la Dunia (2018, 2022, 2026) na amekuwa akitoa motisha kwa kikosi hicho hadharani, akisema lengo lao ni kwenda mbali zaidi ya hatua ya kihistoria ya nusu fainali ya 2022: "Kwa nini tusifanye vizuri zaidi kuliko Qatar? Hili ndilo lengo letu!"

Bruno Fernandes (Ureno)

Kiungo wa kati wa Manchester United amekuwa mmoja wa wachezaji bora zaidi duniani tangu ajiunge na Red Devils mwaka 2020.

Mchezaji huyo mwenye umri wa miaka 31 ana nafasi kubwa ya kuwa mchezaji muhimu wa Ureno wakati wa michuano hiyo, kutokana na kiwango chake msimu huu.

Ingawa Cristiano Ronaldo anasalia kuwa sura na nahodha wa timu duniani kote, wachambuzi na makocha wanazidi kumtazama Fernandes kama kiongozi wa uwanjani anayekiendesha kikosi.

Michael Olise (Ufaransa)

Mchezaji mwingine wa Ufaransa ametajwa kwenye orodha ya wale wa kutazamwa. Winga wa Bayern Munich amefunga magoli 15 na alikuwa muhimu kwa mafanikio ya timu yake.

Katika msimu wake wa kwanza wawili na klabu hiyo kubwa ya Ujerumani, alifunga magoli 41 na kutoa pasi 46 za kufungua goli.

Raphinha (Brazili)

Kama Vinicius Junior, Raphael Dias Belloli – anayejulikana kama Raphinha – atakuwa muhimu kwa Brazil msimu huu wa joto. mchezaji wa miaka 29 katika Kombe lake la Dunia la pili, amekuwa muhimu kwa mafanikio ya Barca.

Wakati Vinicius ndiye anayeonekana kama kichwa cha kikosi cha Brazili, Raphinha hawezi kupuuzwa na atakuwa mshiriki muhimu katika timu wakati wa Kombe la Dunia.

Kocha wa Brazili Carlo Ancelotti amemuita wazi kuwa "mchezaji bora ulimwenguni katika kushambulia kwa ndani," na kumfanya kuwa mchezaaji wa kawaida wa kuanzia na kitovu cha ubunifu.

Amekuwa akiwekwa Raphinha katika nafasi ya kiungo wa ushambuliaji wa kati, ambapo anahusisha mpira, anadribuli, anafunga na kuunda nafasi.

Kwa kwa nyota wa zamani wa Brazili Ronaldinho Gaucho, hili si tena onyesho la Neymar Junior pekee.

"Brazili sasa ina mchezaji mwingine anayezingatia kuamua mechi na kubeba jukumu pale shinikizo likipo. Ikiwa Raphinha atasafirisha fomu yake ya Barcelona kwenye Kombe la Dunia, anaweza kuwa miongoni mwa wachezaji muhimu sana wa mashindano," Ronaldinho alitoa maoni yake ya karibuni.