Rais wa Uturuki Recep Tayyip Erdogan na kaimu Rais wa Venezuela Delcy Rodriguez walijadili uhusiano wa nchi mbili na maendeleo ya kimataifa wakati wa mazungumzo huko Istanbul, Kurugenzi ya Mawasiliano ya Uturuki imesema.

Katika taarifa ya Jumatatu iliyowekwa kwenye mtandao wa kijamii wa Uturuki NSosyal, kurugenzi hiyo ilisema Erdogan alikutana na Rodriguez na wajumbe wake, ambao wanafanya ziara ya kikazi Uturuki.

Kwa mujibu wa taarifa kutoka Idara ya Mawasiliano ya Uturuki, Erdogan alisema kwamba Uturuki itaendelea kuwa pamoja na watu rafiki wa Venezuela.

Pia alisisitiza kuwa Uturuki imejipanga kuendeleza zaidi ushirikiano na Venezuela katika sekta mbalimbali, hususan biashara, nishati na uchimbaji madini.

Viongozi hao wawili pia walijadili hatua za kufikia lengo la kuongeza biashara ya pande mbili kufikia Dola bilioni 3.

Kabla ya mazungumzo hayo, Erdogan alimpokea Rodríguez kwa hafla rasmi katika Ikulu ya Rais ya Dolmabahçe.

Baada ya mapokezi hayo, viongozi hao walifanya mazungumzo ya faragha ya pamoja na wajumbe wao.

Rodríguez alitembelea Uturuki kwa mwaliko wa Rais Erdogan.

Katika mazungumzo hayo pia walihudhuria viongozi mbalimbali wa Uturuki, wakiwemo Makamu wa Rais, Cevdet Yilmaz, Waziri wa Mambo ya Nje, Hakan Fidan, Waziri wa Nishati, Alparslan Bayraktar, Waziri wa Viwanda na Teknolojia Mehmet Fatih Kacir, Waziri wa Biashara, Omer Bolat, Mkurugenzi wa Mawasiliano Burhanettin Duran, na Akif Cagatay Kilic, Mshauri wa sera za nje na usalama.