Vita vya Israel dhidi ya Gaza, vyaingia katika siku yake ya 331, vita hivi vimewauwa Wapalestina wasiopungua 40,691 - wengi wao wakiwa wanawake na watoto na kujeruhi wengine zaidi ya 94,060, makadirio ya chini, huku zaidi ya10,000 wakiaminika kuzikwa chini ya vifusi vya nyumba zilizolipuliwa.
Kampeni ya chanjo ya polio imeanza rasmi huko Gaza huku kukiwa na mashambulizi yanayoendelea ya Israeli, afisa wa afya amesema.
Kampeni hiyo ilitangazwa baada ya Gaza kurekodi ugonjwa wa kwanza wa polio katika miaka 25 iliyopita.
Watoto wenye umri wa kuanzia siku moja hadi miaka 10 walifika vituoni kupokea dozi hiyo huku ndege zisizo na rubani zikiruka juu, alisema Yasser Shaabane, mkurugenzi wa matibabu wa Hospitali ya al-Awda katikati mwa Gaza.
"Kuna ndege nyingi zisizo na rubani zinazoruka katikati mwa Gaza na tunatumai kampeni hii ya chanjo kwa watoto itakuwa shwari," alisema Shaabane.
Amesema kuwa kampeniyo ya utoaji chanjo hi ilianza saa kumi na mbili asubuhu.
