Mali inasema itaendelea kufanya kazi bila kuchoka kulinda raia katika eneo lake lote.
Uhakikisho huu umetolewa na balozi wa Umoja wa Mataifa kutoka Mali , Issa Konfourou.
Baraza la Usalama limeunga mkono kwa dhati kuondoka kwa ujumbe wa kijeshi wa MINUSMA.
Katibu Mkuu wa Umoja wa Mataifa António Guterres alitoa wito wa "ushirikiano kamili wa Serikali ya mpito kwa ajili ya uondoaji kwa utaratibu na usalama wa wafanyakazi na mali za ujumbe katika miezi ijayo," Farhan Haq, Naibu Msemaji wake alisema.
Kwa masharti ya azimio lililopitishwa, MINUSMA itaanza kupunguza wanajeshi wake nchini Mali mara moja na itajiondoa kabisa kutoka Mali ifikapo tarehe 1 Januari 2024.
Baraza pia liliidhinisha ujumbe huo kujibu kwa nguvu vitisho vya ghasia dhidi ya raia na kuchangia katika utoaji salama wa misaada ya kibinadamu unaoongozwa na raia, hadi tarehe 30 Septemba.
MINUSMA Ilianzishwa na baraza la Usalama la Umoja wa Mataifa mnamo 2013 kufuatia mapinduzi ya serikali ya nchini Mali mwaka 2012.
Takwimu za Februari mwaka huu zilionyesha MINUSMA ina wanajeshi zaidi ya 15,000.
Katibu Mkuu ataendelea kushirikiana na Serikali ya mpito kuhusu namna bora ya kuhudumia maslahi ya watu wa Mali kwa ushirikiano na timu ya Umoja wa Mataifa nchini Mali, Ofisi ya Umoja wa Mataifa ya Afrika Magharibi na Sahel (UNOWAS) na nchi nyingine. washirika.
