Sierra Leone imekubali kuwapokea mamia ya wahamiaji wa Afrika Magharibi ambao wanafukuzwa na Marekani, waziri wake wa mambo ya nje aliambia Reuters.

Safari ya kwanza ya ndege itawasili Sierra Leone Mei 20, Timothy Kabba alisema, ikiwasafirisha raia kutoka Senegal, Ghana, Guinea na Nigeria. Hakusema ni watu wangapi waliofukuzwa watakuwa kwenye ndege hiyo.

"Sierra Leone ilitia saini Mkataba wa Kitaifa wa Nchi ya Tatu na Marekani wa kukubali raia 300 wa ECOWAS kutoka Marekani kwa mwaka na kiwango cha juu cha 25 kwa mwezi," Kabba alisema, akimaanisha umoja wa kanda ya Afrika Magharibi.

Hapo awali Marekani ilituma watu waliofukuzwa katika mataifa ya Afrika ikiwa ni pamoja na Jamhuri ya Kidemokrasia ya Congo, Ghana, Cameroon, Equatorial Guinea, Sudan Kusini na Eswatini.

Waziri anasema makubaliano 'ni sehemu ya uhusiano wa pande mbili'

Mpangilio wa Sierra Leone wa kukubali waliofukuzwa tu kutoka nchi za ECOWAS ni sawa na ule wa Ghana.

Haijabainika iwapo waliofukuzwa waliotumwa Sierra Leone wataruhusiwa kusalia huko. Kabba hakusema Sierra Leone itapata nini kwa kuwachukua waliofukuzwa.

"Ni sehemu ya uhusiano wetu na Marekani kusaidia katika sera yake ya uhamiaji," alisema.

Katika ripoti iliyochapishwa Februari, Wanademokrasia katika Kamati ya Mahusiano ya Kigeni ya Seneti walisema gharama ya jumla ya kuondolewa kwa nchi ya tatu haijulikani, lakini kwamba zaidi ya dola milioni 32 zilitumwa moja kwa moja kwa nchi tano - Equatorial Guinea, Rwanda, El Salvador, Eswatini na Pal