Rais wa Nigeria Bola Tinubu ameamuru kusitishwa kwa ushuru mpya wa 10% kwa plastiki ya matumizi moja na ushuru wa bidhaa zinazotengenezwa nchini.
Msemaji wake Dele Alake alisema hii ni kwa ajili kupunguza gharama za biashara katika uchumi mkubwa zaidi barani Afrika.
Nigeria ni mojawapo ya wachafuzi wakubwa wa plastiki katika barani Afrika, ikichangia takriban tani milioni 2.5 za taka za plastiki kila mwaka, ambazo baadhi yake huishia baharini, data rasmi inaonyesha.
Dele Alake alisema Tinubu alitia saini maagizo ya mtendaji ya kusitisha ushuru wa kijani kwenye plastiki za matumizi moja, pamoja na kontena za plastiki na chupa, ambayo ilianzishwa mnamo Machi.
Maagizo hayo pia yalisitisha utekelezaji wa ushuru wa asilimia 5 wa ushuru wa mawasiliano uliotolewa kwanza na serikali iliyopita.
Maagizo ya rais pia yamesitisha ongezeko la ushuru wa magari na ushuru wa bidhaa kwa bidhaa zilizochaguliwa zinazotengenezwa nchini.
"Kama kiongozi anayesikiliza, rais alitoa maagizo haya ili kurekebisha athari mbaya za marekebisho ya ushuru kwa biashara. Na pia kukwama kwa kaya katika sekta zilizoathirika," Alake alisema katika mkutano na waandishi wa habari katika mji mkuu Abuja siku ya Alhamisi.
Rais Tinubu, ambaye aliingia madarakani mwezi Mei, ameanza ajenda ya mageuzi ya maswala tofauti Nigeria.
Mabadiliko yamehusisha kuondolewa kwa ruzuku ya petroli na vikwazo vya biashara ya fedha za kigeni, huku akitaka kukuza ukuaji duni.
