Makubaliano ya kusitisha mapigano kati ya jeshi la Sudan na Vikosi vya Rapid Support Forces, RSF, yameendelea kudhoofika.
Abdou Dieng, Mkuu wa Umoja wa Mataifa, UN, na mratibu wa masuala ya kibinadamu nchini Sudan anaiambia TRT Afrika kwamba hali ya kibinadamu inatia wasiwasi mkubwa kwa sababu tayari kulikuwa na pengo la ufadhili kabla ya mzozo kuanza tarehe 15 Aprili.
"Mapema 2023 makadirio ya mahitaji ya Sudan yalikuwa karibu dola bilioni 1.7, kati ya hizo tulipokea dola milioni 200, kusaidia Wananchi Sudan kwa mwaka mzima," anaelezea Dieng, "hii haizingatii mahitaji ya ziada iliyosababishwa na mgogoro huo."
"Kwa hivyo moja ya rufaa tunayotoa pia ni kupokea ufadhili wa ziada ambao utatusaidia kuwafikia wale wote wanaosaidiwa."
Baadhi ya vifaa vya Umoja wa Mataifa, UN, na mashirika mengine yana ngoja kibali kutoka Port Sudan. Bila hakikisho la usalama hata hivyo, Dieng anaiambia TRT Afrika kwamba mipango ya kuongeza shughuli za kukabiliana na baadhi ya maeneo ya Sudan haitafanikiwa.
"Siyo tu kutoa bidhaa nje ya bandari, lakini unahitaji kuhakikisha kuwa bidhaa hizo zinafika kwa wale wanaohitaji na kwa hilo lazima uvuke nchi nzima na huko tunahitaji ulinzi wa ukanda wa kibinadamu," anaongeza Dieng.
Mashirika yote ya Umoja wa Mataifa yamerejea kazini nchini Sudan. Shirika la mpango wa chakula duniani , World Food Programme, ambalo lilikuwa limesimamisha shughuli zake kufuatia mauaji ya wafanyakazi wake watatu katika ghasia nchini Sudan.
"Sio kama tunauliza tunataka mwezi. Tunaomba usafirishaji salama wa vifaa vya kibinadamu na watu. Tunafanya hivi katika kila nchi nyingine, hata bila ya kusitisha mapigano,” Martin Griffiths, Msaidizi wa Katibu Mkuu wa Masuala ya Kibinadamu na Mratibu wa Misaada katika Umoja wa Mataifa ya Dharura anasema.
