Wapiga kura wa Chad watapiga kura Jumapili kwa ajili ya kura ya maoni kuhusu katiba mpya, katika hatua muhimu kuelekea uchaguzi na kurejea kwa utawala wa kiraia.
Sehemu kubwa ya upinzani na mashirika ya kiraia katika nchi hiyo ya Afrika ya kati wanatoa wito wa kususia.
Wanasema kuwa mjadala huo umeundwa ili kuandaa njia ya kuchaguliwa kwa rais wa sasa wa mpito, Jenerali Mahamat Idriss Deby Itno, na kuendelea kwa "nasaba" iliyoanzishwa na marehemu babake miaka 33 iliyopita kufuatia mapinduzi.
Kambi ya "ndio" inaonekana kuwa na uhakika wa ushindi baada ya kampeni ya utawala wa kijeshi dhidi ya upinzani uliogawanyika. Kampeni ya kura ya maoni ilianza mwezi Novemba.
Mji mkuu wa N'Djamena umebandikwa mabango ya kupiga kura ya "ndio" kuleta katiba ya "nchi ya umoja na ugatuzi". Kuhifadhi umoja Sio tofauti sana na katiba ambayo jeshi lilibatilisha mnamo 2021, ikijumuisha utawala ambao mamlaka mengi yamejilimbikizia mkuu wa nchi. Upinzani, ambao unatetea shirikisho, unaunga mkono kura ya "hapana".
Kambi ya "ndio" inajibu kwamba serikali ya umoja ndio njia pekee ya kuhifadhi umoja, wakati shirikisho linaweza kuhimiza "utengano" na "machafuko".
Matokeo ya muda yamepangwa kuchapishwa mwishoni mwa Desemba, huku Mahakama ya Juu ikitarajiwa kuyaidhinisha siku nne baadaye.
Majukwaa mawili makuu ya vyama na mashirika ya kiraia yanayopinga utawala wa kijeshi yametoa wito wa kususia, wakitumai kuwa idadi ndogo ya washiriki itadhoofisha uaminifu wa kura ya maoni.
Mahali ambapo wanaweza kupata nafasi, wameweka mabango yenye maneno “Sitisha kura ya maoni” na msalaba mkubwa mwekundu. Baadhi ya watetezi wa kususia walikataa pande zote mbili.
