Mtandao wa waokoaji wa kujitolea nchini Sudan umesema kuwa wanajeshi walifanya shambulizi la anga siku moja iliyotangulia kwenye soko moja mjini Khartoum na kusababisha vifo vya watu 23.
"Watu 23 walithibitishwa kufariki na wengine zaidi ya 40 kujeruhiwa" na kupelekwa hospitalini baada ya "mashambulio ya anga ya kijeshi Jumamosi alasiri kwenye soko kuu" kusini mwa Khartoum, Vyumba vya Kukabiliana na Dharura vinavyoongozwa na vijana vilisema kwenye chapisho kwenye Facebook. Jumapili.
Soko hilo liko karibu na kambi kuu katika mji mkuu wa Kikosi cha Wanajeshi wa Msaada wa Haraka (RSF), ambao wanajeshi wanapigana nao vita vya wenyewe kwa wenyewe ambavyo vimeua makumi ya maelfu ya watu.
Kwa mujibu wa Umoja wa Mataifa, zaidi ya miezi 16 ya vita nchini Sudan imeua zaidi ya watu 20,000.
WHO imesema Sudan inakumbwa na dhoruba kubwa ya mgogoro, na ukubwa wa dharura ni wa kushtua, pamoja na hatua zisizotosheleza zinazochukuliwa kupunguza mzozo huo.
Sudan ilitumbukia katika machafuko mwezi Aprili mwaka jana wakati mvutano mkali kati ya jeshi na kundi la wanamgambo, Rapid Support Forces, ulilipuka na kusababisha vita vya wazi nchini kote.
