Wafdi heer sare ah oo ka socda dalka Turkiga, uuna hoggaaminayo Madaxweyne Ku-xigeenka Hay’adda Hawada Sare ee Turkiga, Fatih Dulkan, ayaa soo gaaray Soomaaliya, xilli iskaashiga labada dal uu ku sii ballaaranayo dhinacyada hawada sare, tiknoolajiyadda iyo warshadaha.

Wafdiga ayaa waxaa ka mid ah mas’uuliyiin ka socda Wasaaradda Warshadaha iyo Tiknoolajiyadda ee Turkiga, warshadaha difaaca iyo shirkadda Roketsan.

Intii ay booqashadu socotay, wafdiga ayaa kulamo yeeshay, isla markaana kormeeray hawlaha ka socda magaalooyinka Muqdisho iyo Warsheekh.

Booqashadan ayaa muujinaysa ballaarinta iskaashiga Soomaaliya iyo Turkiga, kaas oo si isa soo taraysa u daboolaya dhinacyada hawada sare, warshadaha, tiknoolajiyadda iyo difaaca.