Wasiirka Arrimaha Dibadda Turkiga Hakan Fidan ayaa Isniintii kala hadlay dhiggiisa Ruushka Sergey Lavrov iyo dhiggiisa Sacuudiga Faisal bin Farhan Al-Saud dadaallada lagu soo afjarayo dagaalka ka socda Iiraan, kaasoo ka dhashay weerarro wadajir ah oo Maraykanka iyo Israa’iil ay qaadeen.
Fidan ayaa wada-hadalladan xilliyo kala duwan khadka telefoonka kula yeeshay dhiggiisa, sida ay sheegeen ilo diblomaasiyadeed oo Turki ah.
Maraykanka iyo Iiraan ayaa todobaadkii dhammaaday wadaxaajoodyo toos ah ku yeeshay Islamabad; hase yeeshee, kama aysan soo bixin heshiis.
Wadaxaajoodyadan ayaa daba socday kadib markii Pakistan ay 8-da Abriil suurtagelisay xabbad-joojin laba toddobaad ah oo u dhexeysa labada dhinac, balse kulanka heerka ugu sarreeya ee u dhexeeya Washington iyo Tehran tan iyo 1979 ayaa weli noqday mid aan go’aan laga gaarin.
Madaxweynaha Maraykanka Donald Trump ayaa ku dhawaaqay xannibaad lagu soo rogi doono dekedaha Iiraan oo dhaqan geli doonta 1400GMT Isniinta, sida lagu sheegay warbixin sirdoon badeed oo fadhigeedu yahay London.
