Uturuki na Ugiriki zinaimarisha uelewa wao wa pamoja katika kupambana na ugaidi, Rais wa Uturuki Recep Tayyip Erdogan amesema.
"Tunakubali hakuna nafasi ya makundi ya kigaidi katika kanda yetu siku zijazo," Erdogan amesema katika mkutano na waandishi wa habari pamoja na Waziri Mkuu wa Ugiriki, Mitsotakis.
Ankara Na Athens wamejitolea kutatua masuala kati yao kupitia 'mazungumzo ya kirafiki, uhusiano mzuri wa jirani, na sheria ya kimataifa" kama ilivyoelezwa katika Azimio la Athens la mwaka jana juu ya uhusiano wa kirafiki na ujirani mzuri.
"Tunafanya juhudi kushinikiza biashara yetu ya nchi mbili na Ugiriki hadi dola bilioni 10, kutoka dola bilioni 6 kama ilivyokuwa mwaka jana," Erdogan aliongeza.
Pia alisisitiza kuwa Uturuki inatarajia "hali nzuri katika mahusiano yetu" kuchangia kutimiza haki za Waturuki wachache nchini Ugiriki.
Erdogan alisisitiza umuhimu wa kupata suluhisho la haki, la kudumu, na la ukweli kwa suala la Kupro, akiongeza kuwa itaimarisha utulivu wa kikanda na amani.
"Ningependa kumshukuru Waziri Mkuu Mitsotakis kwa juhudi zake za kuboresha uhusiano wetu wa nchi mbili," aliongeza.
Mazungumzo ya kisiasa, ajenda chanya
Kuimarika kwa uhusiano wa nchi mbili na Uturuki unatoa matokeo halisi na mazuri, Waziri Mkuu wa Ugiriki Kyriakos Mitsotakis alisema katika mkutano wa pamoja wa waandishi wa habari.
"Ninaweza tu kuanza kwa kukushukuru kwa ukarimu leo huko Ankara, ilikuwa mkutano wa nne ndani ya miezi 10 iliyopita, ambayo naamini inathibitisha kuwa majirani wawili sasa wanaweza kuanzisha njia hii ya kuelewana, bila ubaguzi tena, lakini kama hali ya kawaida isyopuuzwa na tofauti zinazojulikana katika nafasi zetu.”
Alisema uhusiano wa nchi mbili umekuwa ukiendelea, kama ilivyokubaliwa na pande zote, katika ngazi tatu: mazungumzo ya kisiasa, ajenda chanya na hatua za kujenga imani.
"Ninaamini kuwa ni maendeleo mazuri katika wakati mgumu kwa amani ya kimataifa, lakini pia kwa utulivu mpana katika mkoa wetu," Waziri Mkuu wa Ugiriki alisema.
Kwa ushirikiano katika kukabiliana na uhamiaji usio wa kawaida, Mitsotakis alisema Athens inasaidia misaada zaidi ya EU kwa Uturuki, ambayo pia imekuwa inakabiliwa na suala hilo.
