Dauda Kavuma ana umri wa miaka 37 na amekuwa akifundisha ngoma kwa watoto 30. Amekuwa akiwafundisha watoto hawa kwa zaidi ya miaka 10.
Anaishi pamoja na watoto hawa 30 katika nyumba yake huko Kampala, Uganda.
Umri wa watoto hawa hutofautiana kutoka miaka mitatu hadi 13. Wengi wa watoto hao ni yatima na wengine wametoka mitaani.
"Wanaponiita "Baba...Baba...Baba" najisikia faraja. Wanapocheza husahau matatizo yote ya familia," anasema Kavuma Dauda katika mahojiano na TRT Afrika.
"Nawafundisha kucheza na kupenda, wanapendana kama ndugu hata kama hawatoki familia moja. Haya ni mashindano yetu ya kwanza kushiriki na haya ni mafanikio yetu ya kwanza," anaongeza Bw Kavuma.
"Britains Got Talent" ni shindano la kila mwaka la vipaji mbali mbali na waamuzi linalofanyika nchini Uingereza. Mwaka huu ukiwa ni msimu wake wa 16, Watoto hawa wa Ghetto walipewa daraja la juu na kufika nusu-fainali katika raundi ya kwanza.
"Kikundi chetu kinaitwa Ghetto Kids na niliunda kikundi hiki ili kuwapa maisha mapya watoto hawa licha ya kuwa wamepoteza wanafamilia, ninafanya bidii kuwapeleka shule watoto hawa," anaongeza Bw Kavuma.
Siku moja kabla ya jana walipofika nchini Uingereza, watazamaji kadhaa walishangazwa na uchezaji wao na mtoto mmoja alieleza kuwa alikuwa akiishi mitaa ya Kampala, Uganda kabla ya kukutana na anayedaiwa kuwa baba yao David Kavuma.
"Kuwa sehemu ya Ghetto Kids kumenipa fursa nyingi maishani. Wananilisha, kunilipia karo na kuninunulia nguo. Ikiwa mmoja wetu ni mgonjwa, tunaumwa na ikiwa mmoja wetu ana furaha, sote tuna furaha." Ssegirinya Madwanah, mtoto kutoka Ghetto Kids wakati wa onyesho lao.
Kulingana na serikali ya Uganda, takriban watoto 15,000 wenye umri wa kuanzia miaka saba hadi 17 wanaishi katika mitaa ya Kampala, Uganda. Watoto hawa wengi wao wanatoka katika jimbo la Karamoja kaskazini mashariki mwa Uganda. Wamekimbia vurugu na ukosefu wa usalama waliyokuwa wakikabili.
“Hata kama bwana Kavuma David si baba yetu halisi, yeye ndiye anatulea, asante baba Kavuma tumekuja hapa London.
Tulikuja hapa kutumbuiza na tutaenda kuuonyesha ulimwengu kuwa Uganda kuna watoto wanaocheza kwa mioyo yao,” Ssegirinya alisema kwenye mahojiano hayo huku akicheka.
Wakati wa onyesho lao mbele ya majaji, hadhira ilijaa furaha kuona akiingia Josephine Busingye, dansa wa miaka 5 kutoka Ghetto Kids akiwa na mdoli mgongoni.
Kutoka ambapo mtu angeweza kutarajia katika video ambayo TRT Afrika ilipokea nakala, hakimu Bruno Tonioli, akisema "Lazima nifanye sasa" alifanya kwa furaha kugonga kitufye cha dhahabu.
Hii ni mara ya kwanza katika shindano hilo kwa miaka 16 ambapo jaji amekiongoza kikundi cha dansi hadi nusu fainali ya raundi ya kwanza.
"Naitwa Josephine na nina umri wa miaka mitano," Josephine Busingye mdogo aliwaambia majaji, na kila mtu aliyehudhuria alisimama na kuanza kupiga makofi.
"Unaweza kujivunia. Nilikuwa na wakati mzuri wakati nawaangalia - nitafurahi kuwaona katika raundi inayofuata," anasema Jaji Bruno Tonioli kwenye video.
