Wanajeshi wa Libya walisema siku ya Jumatatu wamewashikilia zaidi ya wahamiaji 300 waliokuwa wakivuka jangwa na kujaribu kufika katika ufuo wa Mediterania.
Picha za angani zilizotolewa na kikosi cha 444 - kikosi kinachofanya kazi chini ya jeshi la Libya chenye makao yake makuu katika mji mkuu Tripoli - zilionyesha makundi ya wanaume, wanawake na watoto wakiwa wameketi chini, wamezingirwa na wanajeshi.
Wahamiaji hao walisimamishwa na doria ya jangwani na "wangetumwa kwa mamlaka husika," brigedi hiyo ilisema kwenye ukurasa wake wa Facebook mapema Jumatatu. Haikusema ni lini waliwekwa kizuizini.
Libya imekuwa na amani kidogo tangu mwaka 2011 uasi ulioungwa mkono na NATO dhidi ya Muammar Gaddafi, na nchi hiyo iligawanyika mwaka 2014 kati ya pande za magharibi na mashariki, huku tawala hasimu zikitawala kutoka Tripoli na kutoka Benghazi.
Nchi hiyo imekuwa njia kuu ya kupita kwa mamia kwa maelfu ya wahamiaji wanaokimbia migogoro na umaskini kote barani Afrika, sehemu za Mashariki ya Kati na maeneo mengine, wakitarajia kuvuka bahari ya Mediterania hadi Ulaya.
