Idadi ya vifo kutokana na maporomoko ya udongo katika eneo kubwa la kutupa taka katika mji mkuu wa Uganda Kampala imeongezeka hadi 21, polisi walisema Jumapili, huku waokoaji wakiendelea kuwachimba manusura.
Baada ya mvua kubwa katika wiki za hivi majuzi, kifusi kikubwa cha takataka katika eneo la dampo pekee la jiji kiliporomoka siku ya Ijumaa, na kuzikandamiza na kuzika nyumba kwenye eneo hilo huku wakazi wakilala.
Rais Yoweri Museveni amesema katika taarifa yake amemuagiza waziri mkuu kuratibu kuondolewa kwa watu wote wanaoishi karibu na eneo la kutupa taka.
Serikali pia imeanza uchunguzi wa chanzo cha maporomoko hayo na itachukua hatua dhidi ya maafisa wowote watakaobainika kuzembea, kusababisha vifo hivyo idara ya ukaguzi wa serikali ilisema kwenye X.
Takriban watu 14 wameokolewa kufikia sasa, msemaji wa polisi Patrick Onyango alisema, akiongeza kuwa wengine bado wanaweza kuwa wamenaswa lakini idadi hiyo haijajulikana.
Mahema yamewekwa karibu na wale waliohamishwa na maporomoko ya ardhi, Shirika la Msalaba Mwekundu lilisema.
