Mkuu wa jeshi la Sudan, Jenerali Abdel Fattah al-Burhan, alisema Jumatano kwamba jeshi haliwezi fanya mazungumzo na vikosi vya kijeshi vya haraka, Rapid Support Forces.
Alitoa maoni hayo baada ya kuponea shambulio la ndege zisizo na rubani lililolenga kambi ya jeshi la Sudan mashariki wakati wa ziara yake.
Katika taarifa, jeshi lilisema kuwa shambulio hilo la ndege mbili zisizo na rubani lilitokea Gebeit, mji ulioko mashariki mwa Sudan, baada ya sherehe ya kuhitimu kwa kijeshi kukamilika.
Jenerali Burhan, ambaye alihudhuria, hakujeruhiwa, kupitia taarifa kutoka kwa Lt. Col. Hassan Ibrahim, kutoka ofisi ya msemaji wa jeshi.
Mwaliko wa mazungumzo
Sudan imegawanywa na vita kwa zaidi ya mwaka mmoja kati ya jeshi na kikundi cha kijeshi chenye nguvu, Rapid Support Forces.
Shambulio la hivi karibuni lilitokea baada ya Wizara ya Mambo ya Nje inayounganishwa na jeshi kukubali kwa masharti mwaliko wa Marekani kwa mazungumzo nchini Uswisi mwezi Agosti. RSF ilijibu taarifa ya wizara hiyo Jumanne ikisema itajadiliana na jeshi pekee na sio wengine.
Siku ya Jumatano, afisa wa RSF alisema shambulio la ndege zisizo na rubani ni kutokana na watu wenye msimamo mkali.
"RSF haina uhusiano wowote na ndege zisizo na rubani zilizolenga Gibeit leo...ni matokeo ya kutokubaliana kwa ndani," alisema mshauri wa kisheria Mohamed al-Mukhtar kwa Reuters.
Juhudi za awali za upatanishi katika mgogoro huo zimeshindwa kudumisha usitishaji wa mapigano wa kudumu, na Wasudani wengi wanachukulia mazungumzo ya Uswisi kama fursa bora ya kujadiliana kumaliza vita.
