Rais wa Tanzania, Samia Suluhu Hassan, amelihutubia taifa kutoka Ikulu ya Magogoni jijini Dar es Salaam Ahamisi na kutoa taarifa ya kifo cha Rais Mstaafu wa Awamu ya Pili Mzee Ali Hassan Mwinyi
Rais mstaafu wa Awamu ya Pili Mzee Ali Hassan Mwinyi amefariki katika Hospitali ya Mzena Jijini Dar es Salaam.
Rais wa Jamhuri ya Muungano wa Tanzania Mhe. Samia Suluhu Hassan akilihutubia Taifa kupitia Vyombo mbalimbali vya Habari kuhusu kifo cha Rais Mstaafu wa Awamu ya Pili Mzee Ali Hassan Mwinyi kilichotokea katika Hospitali ya Mzena Jijini Dar es salaam alikolazwa kwa matibabu ya Saratani ya Mapafu tarehe 29 Februari 2024.
Mwinyi, alikuwa rais wa awamu ya pili wa taifa Hilo la Afrika Mashariki kuanzia mwaka 1985 hadi 1995.
Rais huyo wa zamani pia aliwahi kushikilia nyadhifa mbalimbali za mawaziri, ikiwa ni pamoja na mambo ya Ndani, Afya na Rasilimali za asili.
Mzee Mwinyi alichaguliwa kuwa mrithi wake na Baba wa taifa la Tanzania Mwalimu Julius Nyerere alipostaafu mnamo Oktoba 1985.
