World Meteorological Organisation (WMO) don reveal say extreme weather and climate-related events affect no less than 13 million people and cause over 3,000 reported deaths for Africa for 2025, and di effects spread to all sectors of economy and society.

Di continent dey struggle to cope with di impacts, and only 40 percent of countries get multi-hazard early warning systems, wey dey needed to save lives and livelihoods, according to di State of the Climate in Africa 2025 report wey WMO produce alongside National Meteorological and Hydrological Services, international data centres, leading climate research institutions and United Nations partners.

Di report present three case studies from Nigeria, Ghana and South Africa wey show di impacts and risks, including lessons learned and wetin dey ahead for di future.

WMO note say extreme weather dey cause high economic and human cost, as floods be di most common hazard wey dem report. Dem add say African glaciers, including di famous Mountain Kilimanjaro, dey disappear, and sea level rise along some African coasts don pass di global average since 1999.

While Africa face serious gap for early warning systems, but dem dey make progress.