| Hausa
WASANNI
3 minti karatu
Shugaban Hukumar Ƙwallon Ƙafar Nijeriya Musa Gusau ya yi murabus
Shugaban Hukumar Ƙwallon Kafa ta Nijeriya Musa Gusau da Babban Sakataren Hukumar Mohammed Sanusi da sauran 'yan kwamitin zartarwarsa sun yi murabus yayin da zarge-zargen cin hanci suka dabaibaye hukumar.
Shugaban Hukumar Ƙwallon Ƙafar Nijeriya Musa Gusau ya yi murabus
Matakin Ibrahim Musa Gusau na zuwa ne wata guda kafin hukumar ta gudanar da babban zaɓenta na gaba.

waShugaban Hukumar Kwallon Kafar Nijeriya (NFF) ya yi murabus a ranar Alhamis, a daidai lokacin da yake fuskantar zarge-zargen cin hanci da kuma samun sakamako maras gamsarwa da ƙungiyoyin ƙwallon kafar ƙasar suka samu, ciki har da Super Falcons a baya-bayan nan.

Matakin Ibrahim Musa Gusau na zuwa ne wata guda kafin hukumar ta gudanar da babban zaɓenta na gaba.

Kafofin yaɗa labarai na cikin gida sun ruwaito cewa wasu mambobin kwamitin gudanarwar NFF ma sun yi murabus daga muƙamansu.

Gusau ya shaida wa manema labarai a Abuja cewa, “Na yanke shawarar yin murabus daga matsayina na shugaban NFF,” inda ya ƙara da cewa ya “shawarci” sauran mambobin kwamitin da su ma su yi murabus.

Kafofin yaɗa labarai na cikin gida sun ruwaito cewa Hukumar Tsaro ta Farin Kaya (DSS) na gudanar da bincike kan NFF kan zargin karkatar da Naira biliyan 17, kimanin dala miliyan 12.7, da hukumar ta karɓa daga gwamnati a shekarar 2024 domin biyan bashin kuɗaɗen da ake bin hukumar ga ‘yan wasan ƙasa da jami’anta.

Duk da cewa Nijeriya na daga cikin manyan ƙasashen da ke kan gaba a ƙwallon kafa a Afirka, hukumar ta NFF ta daɗe tana fuskantar zarge-zargen cin hanci da rashin gudanar da harkoki yadda ya kamata.

‘Yanwasan ƙasa da masu horaswa sun sha gudanar da zanga-zanga a bainar jama’a saboda rashin biyan su alawus-alawus.

Sabon rikicin ya biyo bayan gazawar Super Falcons wajen samun tikitin shiga Gasar Cin Kofin Duniya ta Mata ta 2027.

Tawagar Nijeriya, wadda ita ce zakarar Afirka mai rike da kambu kuma ta lashe Kofin Afirka na Mata sau 10, ta fice daga gasar a matakin daf da na kusa da na ƙarshe, kafin daga bisani ta sha kashi da ci 2-1 a hannun Afirka ta Kudu a wasan neman tikitin shiga gasar.

Wannan rashin nasarar na nufin Nijeriya za ta rasa shiga gasar ta duniya a karon farko tun bayan fara gasar a shekarar 1991.

Har ila yau, tawagar maza ta ƙasa, Super Eagles, ba ta samu damar shiga Gasar Cin Kofin Duniya ba tun bayan bayyanarta ta ƙarshe a shekarar 2018, inda ta kasa samun tikitin shiga gasar 2022 da ta 2026.

Duk da yin murabus, Gusau ya kare yadda ya jagoranci hukumar, inda ya ɗora alhakin matsalolin kuɗin hukumar kan tsadar rayuwa da ƙalubalen tattalin arzikin ƙasar, da kuma sauye-sauyen farashin musayar kuɗaɗen waje.

Ya kuma sanar da wata yarjejeniya ta haɗin gwiwa da Adidas, wadda za ta riƙa bai wa Nijeriya dala miliyan 4.5 a kowace shekara.

 

 

Rumbun Labarai
Portugal ta shirya karramawar bazata ga Ronaldo, ‘yanwasan za su fito da riga mai lamba 7
Pochettino ya fashe da kuka bayan amsa tayin zama kocin Manchester United
Ronaldo zai fara siris fim kan kwallo, zai fito a jarumi tare da mawaki mai tsatson Nijeriya
Tsohon shugaban FIFA, Joseph Blatter, ya kira Infantino da "mahaukaci"
Pochettino ya shirya zama kocin Manchester United, idan aka sallami Michael Carrick
Nijar ta tabbatar wa CAF shirinta na neman karɓar baƙuncin AFCON 2032 tare da Mali da Burkina Faso
Raul Gonzalez ya zama kocin ƙwararru a karon farko, ya karɓi ragamar Real Oviedo ta Sifaniya
Hukumar Ƙwallon Ƙafa ta Portugal ta ƙi amincewa da ritayar Cristiano Ronaldo ba tare da karramawa ba
Hukumar ƙwallon Sifaniya ta soke wasannin Copa del Rey bayan mutuwar ɗanwasan da ya yi karo da gola
Kocin Man United ya ce ya san me yake yi duk da rashin tagomashin da kungiyar ke fama da shi
Jay-Z zai tura karamin yaron nan dan-baiwa a kwallo, Nevada Pierre zuwa makarantar kwallo a Sifaniya
Koci da 'yanwasan Barcelona sun yi taron gasa nama don farfadowa daga shan kaye sau biyu a jere
Yamal: Sarkin Kambin 'Kopa' da bai yi nasarar lashe Ballon d'Or ba
Harry Kane ya zama ɗanwasan Ingila na farko da ya lashe kyautar Ballon d’Or ta maza a shekaru 25
An dakatar da Cristiano Ronaldo na tsawon kwana 30 da cin sa tarar €255 kan barin sansanin Portugal
Istanbul ta cika da ɗoki da karsashi gabanin wasan Galatasaray da Barcelona a Gasar Zakarun Turai
Hukumar ƙwallon ƙafar Portugal ta dakatar da Ronaldo daga buga wa ƙungiyar ƙasar wasa
Messi da 'yanwasan Argentina sun mana wulakanci, "sun hana mu jesi da yin hoto", in ji kocin Benin
Arda Guler ya tsawaita kwantiraginsa da Real Madrid zuwa 2031
Ronaldo zai iya komawa tawagar Portugal idan yana so, in ji kocin ƙasar