Guddoomiyaha Golaha Shacabka ee Baarlamaanka Federaalka Soomaaliya, Cabdulqaadir Maxamed Nuur (Jaamac), ayaa magaalada Arusha ee Tanzania kulan kula yeeshay xildhibaannada Soomaaliya ku matala Golaha Sharci-dejinta Bulshada Bariga Afrika (EALA).

Kulanka ayaa diiradda lagu saaray xoojinta iskaashiga u dhexeeya wakiillada Soomaaliya ee EALA iyo Baarlamaanka Soomaaliya, isku-dubbaridka arrimaha sharci-dejinta iyo dardargelinta ka qaybgalka Soomaaliya ee geeddi-socodka isdhexgalka Bulshada Bariga Afrika.

Guddoomiyaha ayaa xildhibaannada ku ammaanay sida daacadnimada iyo sharafta leh ee ay Soomaaliya u matalaan, iyo dadaalka ay ugu jiraan ilaalinta iyo sare u qaadidda sumcadda dalka iyo shacabka Soomaaliyeed, iyo soo bandhigista horumarka iyo fursadaha ka jira Soomaaliya.