Bayanai kan kasuwar Dawanau
Kasuwar hatsi ta Dawanau da ke Kano a arewacin Nijeriya na daya daga cikin mafi shahara a Afirka. An gina ta a 1985 kuma ta zama cibiyar sayen hatsi zuwa bangarorin kasar da ma kasashen waje. Majalisar hatsi ta duniya ta kiyasta cewa Nijeriya za ta samar da hatsi fiye da tan miliyan 21 tsakanin 2020-2023.
Bidiyoyi masu alaka
‘Na gaji wanzanci ne saboda babu namiji a cikin ‘ya’yan mahaifina’
Wata matashiyar wanzamiya a birnin Kano da ke Nijeriya ta ce ta gaji sana’ar mahaifinta ne domin yi masa biyayya ganin cewa babu namiji a cikin ‘ya’yansa. A hira da ta yi da TRT Afrika Hausa, Hassana Gambo, wadda ita ce shugabar mata wanzamai ta karamar hukumar Nasarawa, ta ce tana aski da shayi da cire beli da bayar da magunguna. Ta kara da cewa mutane da dama suna yi mata gani-gani idan tana gudanar da sana’arta, sai dai ta ce ko aure za ta yi za ta zabi wanda zai amince ta ci gaba da sana’arta ta gado.
