16 Aug 2023
Atiku ya kai wa Kwankwaso ziyara

Atiku ya kai wa Kwankwaso ziyara

Wasu rahotanni sun ce manyan 'yan siyasar sun gana ne game da halin da Nijeriya ke ciki musamman yadda  'yan kasar ke kara fuskantar matsin rayuwa sakamakon wasu matakai da gwamnati ke dauka.
Masu sharhi a harkokin siyasa na cewa ganawar  Atiku da Kwankwaso wani bangare ne na siyasar Nijeriya da 'babu masoyi ko makiyi na dindindin'./Hoto: @RMKwankwaso

Tsohon dan takarar shugaban Nijeriya na jam'iyyar NNPP Sanata Rabiu Kwankwaso ya karbi bakuncin takwaransa na jam'iyyar PDP Atiku Abubakar a gidansa da ke Abuja ranar Talata da daddare.

"Na ji dadin karbar bakuncin dan uwana, tsohon mataimakin shugabana Najeriya, mai girma Alhaji Atiku Abubakar a gidana da yammacin nan. Ina godiya ga Waziri bisa wannan ziyara ta 'yan uwantaka," in ji Sanata Kwankwaso a sakon da ya wallafa a shafinsa na X wanda a baya ake kira Twitter.

Bai yi karin bayani game da dalilin ziyarar ba. Sai dai wannan ne karon farko da tsoffin 'yan takarar biyu - wadanda suka yi hamayya sosai gabani da kuma yayin zaben 2023 - suka yi irin wannan ganawa.

TRT Afirka ta kira Kwankwaso ta wayar tarho domin karin bayani, sai dai bai amsa kiran ba kuma kawo yanzu bai turo mana amsar sakon da muka aika masa ba.

Amma wasu rahotanni sun ce manyan 'yan siyasar biyu sun gana ne kan rawar da za su taka wajen ci gaban kasar musamman ganin yadda 'yan Nijeriya suke kara fuskantar matsin rayuwa sakamakon wasu matakai da gwamnati ke dauka.

Atiku Abubakar ne ya zo na biyu yayin da Sanata Kwankwaso ya zo na hudu a zaben shugaban kasar Nijeriya na 2023 wanda Bola Tinubu ya lashe.

Tsohon mataimakin shugaban kasar da kuma takwaransa na jam'iyyar LP, Peter Obi, sun garzaya kotu inda suke kabulantar zaben. Sai dai Sanata Kwankwaso bai kai kara kotu ba.

Hasalima bayan zaben tsohon gwamnan na Kano ya gana da zababben shugaban kasar Bola Tinubu a Paris inda ya ce sun tattauna kan yadda za su kafa gwamnatin hadaka. Amma daga bisani wasu bayanai sun ce ya fasa hada kai da gwamnati mai ci.

Adawa ta yi zafi sosai tsakanin Atiku Abubakar da Rabiu Kwankwaso - wanda a baya yake cikin jam'iyyar PDP - sakamakon rikicin da ya barke a jam'iyyar wanda ya sanya shi fita daga cikinta ya koma NNPP inda ya yi mata takarar shugaban kasa.

A wancan lokacin Sanata Kwankwaso ya dora alhakin rikicin siyasar kan kokawar da wasu manyan 'yan PDP suke yi na ture shi daga cikinta don Atiku ya samu damar tsayawa takara a karkashin jam'iyyar.

Masu sharhi a kan harkokin siyasa na cewa ganawar Atiku da Kwankwaso wani bangare ne na siyasar Nijeriya da 'babu masoyi ko makiyi na dindindin'.

TRT Afrika

Labarai masu alaka

'Idan ma muryar Ganduje aka ji yana korafi, ba zagi ya yi ba'

'Idan ma muryar Ganduje aka ji yana korafi, ba zagi ya yi ba'

A hirarsa da TRT Afrika, Kwamishinan Yada Labarai na Jihar, Malam Muhammad Garba, duk da bai amsa cewa lallai muryar Gwamna Ganduje ce ba, amma ya ce idan ma har shi din ne “to ai ba batanci ko zagin wani aka ji ana yi ba a cikin muryar.”
Gayyatar da El-Rufai ya yi wa Kwankwaso da wacce Abba ya yi wa Muhammadu Sanusi II sun janyo muhawara

Gayyatar da El-Rufai ya yi wa Kwankwaso da wacce Abba ya yi wa Muhammadu Sanusi II sun janyo muhawara

Masu sharhi kan lamuran yau da kullum na ganin darajar Sanata Kwankwaso ce take karuwa shi ya sa 'yan jam'iyyun hamayya suke gayyatarsa don kaddamar da ayyukan da suka yi.
‘Yan sanda sun gargadi masu shirin tarzoma lokacin rantsar da Abba Gida-Gida

‘Yan sanda sun gargadi masu shirin tarzoma lokacin rantsar da Abba Gida-Gida

Rundunar ‘yan sandan ta ce tana hada gwiwa da sauran jami’an tsaro don yin amfani da karfi wajen murkushe “duk wata tarzoma da za ta iya tasowa a yayin wannan biki.”
Rikici ya barke a Senegal bayan kotu ta yanke hukuncin zaman kurkuku kan dan adawa  Sonko

Rikici ya barke a Senegal bayan kotu ta yanke hukuncin zaman kurkuku kan dan adawa  Sonko

Akalla mutum tara sun mutu sakamakon rikicin da ya barke bayan wata kotun Dakar babbar birnin Senegal ta yanke hukuncin daurin shekara biyu a kurkuku kan jagoran 'yan hamayyar kasar Ousmane Sonko.

Masu tashe a wannan bangaren

Gwamnatin Nijar ta amince da tattaunawa don gyara alaƙa da Jamhuriyar Benin

Gwamnatin Nijar ta amince da tattaunawa don gyara alaƙa da Jamhuriyar Benin

Hukumomin kasashen biyu sun shaida wa kamfanin dillacin labarai na Reuters a ranar Laraba cewa ba a yanke ranar da za a gudanar da taron ba.
Mutum 12 ne suka mutu, 20 suka jikkata a wani hari da aka kai wata kasuwa a Yammacin Sudan

Mutum 12 ne suka mutu, 20 suka jikkata a wani hari da aka kai wata kasuwa a Yammacin Sudan

An kai harin ne kan kasuwar dabbobi a garin El Fasher, in ji kwamitocin 'yan gwagwarmaya.
Kenya ta sha alwashin kawar da 'zanga-zangar tashin hankali ko ta wace hanya'

Kenya ta sha alwashin kawar da 'zanga-zangar tashin hankali ko ta wace hanya'

Gwamnatin Kenya ta ce masu aikata laifuka sun "karɓe" zanga-zangar, inda suka ci gaba da kawo tarnaƙi ga walwalar jama'a, da ƙone-ƙone da tayar da hankalin jama'a.
Kamfanin man Nijeriya NNPC ya ƙaddamar da ‘dokar-ta-ɓaci’ a kan haƙo ɗanyen mai

Kamfanin man Nijeriya NNPC ya ƙaddamar da ‘dokar-ta-ɓaci’ a kan haƙo ɗanyen mai

“Mun ƙaddamar da yaƙi kan ƙalubalen da ke addabar harkar samar da ɗanyen manmu. Yaƙi yana nufin yaƙi. Muna da abubuwan da suka dace, mun kuma san yadda za mu yi yaƙin,” a cewar Malam Mele Kyari, Shugaban NNPCL na Nijeriya.

Me kuma za ku so ku sani?

Shahararru
Hilda Baci: 'Yar Nijeriya na shirin kafa tarihin cin gasar Guiness World Records a fannin girki

Hilda Baci: 'Yar Nijeriya na shirin kafa tarihin cin gasar Guiness World Records a fannin girki

Ya zuwa ranar Litinin da karfe 08:32 na safe a agogon kasar, Hilda Baci ta shafe awanni 88 da minti 32 tana girki babu tsayawa.
'Tafiya zagaye na biyu na zaben Turkiyya alama ce ta karfin dimokuradiyyar kasar'

'Tafiya zagaye na biyu na zaben Turkiyya alama ce ta karfin dimokuradiyyar kasar'

Masu sharhi sun ce sakamakon zabukan sun nuna cewa kuri’un jin ra’ayin jama’a da kasashen waje suka gudanar da labaran kyamar Erdogan da kafafen watsa labaran waje suka yi ba su bayyana hakikanin gaskiyar lamari ba.
Kokarin da Erdogan ya yi a zabe ya nuna kuskuren jaridun kasashen yamma

Kokarin da Erdogan ya yi a zabe ya nuna kuskuren jaridun kasashen yamma

An shafe kwanaki jaridun Amurka da na Turai suna watsa labarai kan tabbacin ‘yan adawa ne za su ci zabe, wanda sakamakon da aka fitar na zaben ranar Lahadi ya nuna kuskurensu.
'Ba za mu iya jure wa halin da ake ciki a Sudan ba'

'Ba za mu iya jure wa halin da ake ciki a Sudan ba'

Wani mazaunin Khartoum ya ce sun tsere zuwa gidajensu makwabtansu domin tsira daga yaki, amma luguden wutar da ake yi ya bi su har can.
Abubuwan da ake koya wa sabbin gwamnonin Nijeriya a taron horar da su

Abubuwan da ake koya wa sabbin gwamnonin Nijeriya a taron horar da su

Mece ce manufar taron? Su waye mahalartansa? Me ake horar da gwamnonin? Wadannan su ne tambayoyin da wannan makala za ta duba amsoshinsu.