18 Oct 2024
Cristiano Ronaldo ya ninka Lionel Messi samun kuɗi a bana

Cristiano Ronaldo ya ninka Lionel Messi samun kuɗi a bana

A rahoton Mujallar Forbes da aka sabunta ranar 17 ga Oktoban nan, kuɗin da Cristiano Ronaldo yake samu ya ninka na babban abokin hamayyarsa, Lionel Messi.
'Yan wasan ƙwallo 10 da ke kangaba suna samun jimillar dala miliyan $983 a kakar bana. / Hoto: Reuters

Mujallar Forbes ta sabunta jerin 'yan wasan ƙwallon ƙafa da suka fi kowa samun kuɗi a duniya, a shekarar 2024, inda shaharrarren ɗan wasa ɗan asalin Portugal, Cristiano Ronaldo wanda ke buga wasa a Al Nassr ta Saudiyya ke kangaba.

Ronaldo ya koma ƙungiyar Al Nassr a Janairun 2023, kuma shi ne kan gaba a karo na shida, inda yake samun ƙiyasin dala miliyan $285 a bana (sama da dala miliyan $260 da ya samu a 2023), wato dala miliyan $220 a filin wasa, da dala miliyan $65 a wajen fili.

Lionel Messi ne na 2 da ƙiyasin kuɗin da ya kai dala miliyan $135, inda yake samun dala miliyan $75 a wajen fili. Sai na 3, Neymar Jr na Al Hilal ta Saudiyya, da dala miliyan $110, mai samun dala miliyan $80 a fili, da miliyan $30 a wajen fili.

Saudiyya ce kangaba

Karim Benzema na Al Ittihad ne na 4, da dala miliyan $104, inda yake samun miliyan $100 a fili da miliyan $4 a wajen fili. Sai Kylian Mbappe na real Madrid a mataki na 5, da dala miliyan $90, miliyan $70 a fili, da miliyan $20 a waje.

Erling Haaland na Manchester City shi ne na 6 da dala miliyan $60, sai Vinicius Jr na Real Madrid a mataki na 7, da dala miliyan $40. Mohamed Salah na Liverpool yana mataki na 8, da dala miliyan $53.

Sadio Mane wanda shi ma yake taka leda a Al Nassr, shi ne a mataki na 9, da dala miliyan $52, inda yake samun dala miliyan $48 a fili da miliyan $4 a waje. Sai kuma Kevin De Bruyne na Man City a mataki na 10.

A wannan bazarar kawai ƙungiyoyin ƙwallo na Saudiyya sun kashe dala miliyan $524 wajen sayayyar 'yan wasa, kamar su Moussa Diaby, Ivan Toney, da Marcos Leonardo.

Hanyar samun kuɗi

'Yan wasan dai suna samun kuɗi ne ta albashi, da yin talla, da kuma abubuwan da eke sayarwa ɗauke da suna ko hotonsu, da ma sauran hanyoyin samun kuɗi.

Ƙasar Saudiyya inda ake buga gasar Saudi Pro League ita ke kangaba a yawan 'yann wasan da ke sahun mutane 10 mafi samun kuɗi a harkar ƙwallo a duniya, inda suke da mutum huɗu.

Baya ga gasar Saudiyya, gasar Firmiya ta Ingila ce ke bi mata baya, da 'yan wasa guda uku, sai LaLiga ta Sifaniya mai 'yan wasa biyu, sai gasar MLS mai ɗan wasa guda.

TRT Afrika

Labarai masu alaka

Cristiano Ronaldo ya yi sujjada bayan ya ci kwallo

Cristiano Ronaldo ya yi sujjada bayan ya ci kwallo

Dandazon ‘yan kallo sun rika sowa da murna a yayin da shahararren dan kwallon kafar ya rusuna ya yi sujjada bayan ya ci kwallo a wasan da Al Nassr ta doke Al Shabab da ci 3-2.
Yadda 'yan kallo suka yi wa Messi ihu a wasansa na karshe a PSG

Yadda 'yan kallo suka yi wa Messi ihu a wasansa na karshe a PSG

Magoya bayan Paris Saint-Germain sun yi wa Lionel Messi ihu a yayin da yake buga wasansa na karshe a kungiyar a karawar cin kofin Ligue 1 inda suka sha kashi a hannun Clermont da ci 3-2 a gidansu.
Manyan ‘yan wasa sama da 10 da Saudiyya ke nema baya ga Ronaldo da Messi

Manyan ‘yan wasa sama da 10 da Saudiyya ke nema baya ga Ronaldo da Messi

Hukumomi a Saudiyya suna magana da sama da ‘yan wasa 10, da yawansu sun ci Kofin Duniya ko Kofin Zakarun Turai, don su shiga gasar kwallo ta Saudiyya a kakar badi”, cewar wata majiya.
Karim Benzema ya sanya hannu a kan kwangilar murza leda a Al-Ittihad

Karim Benzema ya sanya hannu a kan kwangilar murza leda a Al-Ittihad

Dan wasan na Faransa, mai shekara 35, ya yi bajinta sosai a fagen tamaula inda ya ci Kofin Gasar Zakarun Turai biyar da La Liga hudu a shekaru 14 da ya shafe a Real Madrid.

Masu tashe a wannan bangaren

Inter Miami ta Messi ta lashe kambi, za ta buga kofin duniya na kulob-kulob

Inter Miami ta Messi ta lashe kambi, za ta buga kofin duniya na kulob-kulob

A safiyar yau Lionel Messi ya zura ƙwallaye uku cikin mintuna 11, a wasan da ƙungiyarsa ta Inter Miami ta doke ta Alhasan Yusuf, wato New England Revolution da ci 6-2, a ƙarshen babban zangon kakar gasar MLS ta Amurka.
'Ina so na dawo buga ƙwallo' — Paul Pogba

'Ina so na dawo buga ƙwallo' — Paul Pogba

Paul Pogba ya amsa cewa ya ƙagu ya koma buga wasa a Juventus, kuma ya shirya 'haƙura da kuɗi kaɗan' don tabbatar da ganin hakan ya faru.
AFCON 2025: Nigeria ta fasa fafatawa da Libya

AFCON 2025: Nigeria ta fasa fafatawa da Libya

''A wani mataki mai ɗaure kai, an bar jirginmu yana waɗari cikin yanayi mai hatsari, kana an sauya masa wurin sauka zuwa ƙaramin filin jirgi daga filin jirgin saman Benghazi a lokacin da direba ya kammala shirin sauka a Benghazi,'' in ji NFF.
Man United ta karya farashin Harry Maguire, kuma ta 'fara tattauna' batun korar kocinta

Man United ta karya farashin Harry Maguire, kuma ta 'fara tattauna' batun korar kocinta

Harry Maguire, ɗan wasan baya na Manchester united da ya yi ƙaurin suna, ya hau layin barin ƙungiyar bayan da aka zaftare farashin sayar da shi a kakar cinikin 'yan wasa mai zuwa.

Me kuma za ku so ku sani?

Shahararru
Hilda Baci: 'Yar Nijeriya na shirin kafa tarihin cin gasar Guiness World Records a fannin girki

Hilda Baci: 'Yar Nijeriya na shirin kafa tarihin cin gasar Guiness World Records a fannin girki

Ya zuwa ranar Litinin da karfe 08:32 na safe a agogon kasar, Hilda Baci ta shafe awanni 88 da minti 32 tana girki babu tsayawa.
'Tafiya zagaye na biyu na zaben Turkiyya alama ce ta karfin dimokuradiyyar kasar'

'Tafiya zagaye na biyu na zaben Turkiyya alama ce ta karfin dimokuradiyyar kasar'

Masu sharhi sun ce sakamakon zabukan sun nuna cewa kuri’un jin ra’ayin jama’a da kasashen waje suka gudanar da labaran kyamar Erdogan da kafafen watsa labaran waje suka yi ba su bayyana hakikanin gaskiyar lamari ba.
Kokarin da Erdogan ya yi a zabe ya nuna kuskuren jaridun kasashen yamma

Kokarin da Erdogan ya yi a zabe ya nuna kuskuren jaridun kasashen yamma

An shafe kwanaki jaridun Amurka da na Turai suna watsa labarai kan tabbacin ‘yan adawa ne za su ci zabe, wanda sakamakon da aka fitar na zaben ranar Lahadi ya nuna kuskurensu.
'Ba za mu iya jure wa halin da ake ciki a Sudan ba'

'Ba za mu iya jure wa halin da ake ciki a Sudan ba'

Wani mazaunin Khartoum ya ce sun tsere zuwa gidajensu makwabtansu domin tsira daga yaki, amma luguden wutar da ake yi ya bi su har can.
Abubuwan da ake koya wa sabbin gwamnonin Nijeriya a taron horar da su

Abubuwan da ake koya wa sabbin gwamnonin Nijeriya a taron horar da su

Mece ce manufar taron? Su waye mahalartansa? Me ake horar da gwamnonin? Wadannan su ne tambayoyin da wannan makala za ta duba amsoshinsu.