Hukumar gudanarwa ƙwallon ƙafa a Turai, ya yanke cewa za a gudanar da wasan ƙarshe na gasar Europa na 2026 a filin wasa na ƙungiyar Besiktas, wato filin Tupras Stadium da ke Istanbul.

Haka nan kuma, birnin na Istanbul zai karɓi baƙuncin wasan ƙarshe na gasar Europa Conference ta 2027.

A sanarwar da mamban kwamitin gudanarwa na UEFA, Servet Yardimci ya fitar, taron na hukumar UEFA ya gudana ne a birnin Dublin babban birnin Ireland, a Laraba.

Filin wasa na Tupras Stadium, wanda a baya ake kira da Vodafone Park, shi ne ya karɓi baƙuncin gasar UEFA Super Cup ta 2019, inda aka buga wasa tsakanin Liverpool da Chelsea.