Nigerian goment talk last night say any retaliatory measures wey Nigeria fit take against South Africa over dia anti-migrant actions, na di National Assembly get di power to decide am.

Minister of Foreign Affairs, Ambassador Bianca Odumegwu-Ojukwu, say so far, di executive arm dey actively engage South African authorities through diplomatic channels and broader actions.

According to her, di Senate and House of Representatives get constitutional role to play for deciding Nigeria's response if diplomatic engagements fail to stop di attacks on Nigerians and dia businesses.

"Di lawmakers get role to play for this one," she talk.

For one interview on TVC, Ambassador Odumegwu-Ojukwu still talk about di move to bring back 98 Nigerians wey dey Ethiopian prisons to come finish dia jail terms for Nigeria.

When dem ask am wetin retaliatory measures dey available to Nigeria, as she indicate for June 8 comment for Aso Villa, she say: "When e reach situations like this, of course, e dey necessary to dey calm and dey careful.

"But when your citizens dey harassed, when your citizens be people wey don spend years there, and mind you, some of dem marry South Africans and get children wey no know any oda home but South Africa, then e become serious concern."